Muslim Man Fact check Video : लाइटहाऊस जर्नलिझमला सोशल मीडियावर एका वृद्ध मुस्लीम व्यक्तीचा व्हिडीओ मोठ्या प्रमाणात व्हायरल होत असल्याचे आढळून आले. या व्हिडीओमध्ये भारतीय मुस्लिमांना वाचवण्याची विनंती करणारा हॅशटॅगचा वापर करण्यात आला आहे. याशिवाय यात एका वृद्ध व्यक्तीला पुरुषांचा एक गट मारहाण करताना दिसत आहे. हा व्हिडीओ भारतातील असल्याचा दावा केला जात आहे, पण खरंच हा व्हिडीओ भारतातील आहे का याबाबत आम्ही तपास सुरू केला, तेव्हा एक वेगळंच सत्य समोर आलं. ते नेमकं काय होतं जाणून घेऊ…
काय होत आहे व्हायरल?
डिम्पी नावाच्या एक्स युजरने तिच्या सोशल मीडिया हँडलवर हा व्हिडीओ शेअर केला असून तो भारतातील असल्याचा दावा केला आहे.
पोस्टचे आर्काइव्ह व्हर्जन पाहा.
इतर वापरकर्तेदेखील हाच व्हिडीओ पोस्ट करत आहेत.
तपास:
आम्ही व्हिडीओवरून मिळवलेल्या कीफ्रेमवर रिव्हर्स इमेज सर्च चालवून आमचा तपास सुरू केला.
यावेळी आम्हाला बांगलादेशातून prothomalo.com वर पोस्ट केलेला व्हिडीओ सापडला. शीर्षकाचा अनुवाद : बरगुनामध्ये स्वातंत्र्य सैनिकाचा छळ : बीएनपी नेत्याच्या मुलाने लाईव्हवर काय म्हटले
आम्हाला barishaltimes मध्ये आणखी एक बातमी सापडली, या बातमीत व्हायरल व्हिडीओमधील कीफ्रेम्सदेखील आहेत.
https://www-barishaltimes-com.translate.goog/%E0%A6%AC%E0%A6%B0%E0%A6%97%E0%A7%81%E0%A6%A8%E0%A6%BE -%E0%A6%9C%E0%A7%87%E0%A6%B2%E0%A6%BE-%E0%A6%AE%E0%A7%81%E0%A6%95%E0%A7%8D %E0%A6%A4%E0%A6%BF%E0%A6%AF%E0%A7%8B%E0%A6%A6%E0%A7%8D%E0%A6%A7%E0%A6%BE/? _x_tr_sl=auto&_x_tr_tl=en&_x_tr_hl=en&_x_tr_pto=wapp
बातमीचे शीर्षक होते : बरगुना जिल्ह्यातील स्वातंत्र्यसैनिक संसदेच्या माजी कमांडरला मारहाण, व्हिडीओ व्हायरल
बातमीत म्हटले आहे की : रिपोर्टर, बरिसाल बरगुना जिल्हा मुक्तिजोद्धा संसदेचे माजी कमांडर आणि जिल्हा अवामी लीगचे माजी सदस्य अब्दुर रशीद मिया यांच्यावर सार्वजनिक ठिकाणी मारहाण केल्याचा आरोप आहे. या घटनेचा एक व्हिडीओ सोशल मीडियावर पसरला आहे. बरगुना जिल्हा आयुक्त कार्यालयासमोर रविवारी सकाळी ही घटना घडली. तीन मिनिटे आणि ४२ सेकंदांच्या व्हायरल व्हिडीओमध्ये, बरगुना जिल्ह्याचे स्वातंत्र्यसेनानी कमांडर अब्दुर रशीद मिया यांना बरगुना जिल्हा बीएनपीचे माजी अध्यक्ष फारूक मोल्ला यांचा मुलगा शॉन मोल्ला कानाखाली मारताना दिसत आहे.
आम्हाला bdcrime24.com वरदेखील एक बातमी सापडली.
https://bdcrime24.com/%E0%A6%AC%E0%A6%B0%E0%A6%97%E0%A7%81%E0%A6%A8%E0%A6%BE%E0%A6%AF %E0%A6%BC-%E0%A6%AE%E0%A7%81%E0%A6%95%E0%A7%8D%E0%A6%A4%E0%A6%BF%E0%A6%AF% E0%A7%8B%E0%A6%A6%E0%A7%8D%E0%A6%A7%E0%A6%BE%E0%A6%95%E0%A7%87/
या बातमीत म्हटले होते की, बरगुना जिल्हा बीएनपीचे माजी संघटनात्मक सचिव हुमायून हसन शाहीन म्हणाले की, ‘शाओन मोल्ला हा बीएनपीच्या कोणत्याही समितीचा सदस्य नव्हता. त्यांचे वडील माजी समितीचे संयोजक असल्याने पक्षाने ती समिती बरखास्त केली. पण, आता त्याला पक्षात स्थान नाही.
बारगुना हा दक्षिण बांगलादेशातील बरिसाल विभागातील एक जिल्हा आहे.
बांगलादेशातील वरिष्ठ फॅक्ट चेकर, तन्वीर महताब अबीर यांनीही पुष्टी केली की, हा व्हिडीओ बांगलादेशात घडलेल्या एका घटनेचा आहे.
निष्कर्ष : एका वृद्ध मुस्लीम व्यक्तीला मारहाण केल्याचा व्हायरल व्हिडीओ भारतातील असल्याचा दावा करत व्हायरल केला जात आहे, पण प्रत्यक्षात तो व्हिडीओ बांगलादेशचा आहे, त्यामुळे व्हायरल दावा दिशाभूल करणारा आहे.
