PM Modi Comment Viral Video: लोकसभा निवडणुकीच्या प्रचारसभांमधील वेगवेगळे व्हिडीओ सध्या ऑनलाईन व्हायरल होत आहेत. लाइटहाऊस जर्नलिझमला सोशल मीडिया प्लॅटफॉर्मवर असाच एक व्हिडीओ शेअर होत असल्याचे आढळले. या १४ सेकंदाच्या व्हिडीओमध्ये भारतीय पंतप्रधान नरेंद्र मोदी एका जाहीर भाषणादरम्यान भाजपा कधीही शक्तिशाली राष्ट्र बनवू शकत नाही असे म्हणताना दिसून येतात. या व्हिडीओमागे नेमकं किती तथ्य आहे हे जाणून घेऊया.. काय होत आहे व्हायरल? X यूजर Mangalaram Bishnoi ने व्हायरल व्हिडीओ आपल्या प्रोफाइल वर शेअर केला. इतर वापरकर्ते देखील असाच दावा करत व्हिडीओ शेअर करत आहेत. तपास: InVid टूलमध्ये व्हिडिओ अपलोड करून आम्ही आमचा तपास सुरू केला. हा व्हिडिओ पंतप्रधान नरेंद्र मोदी यांच्या राजस्थानमधील रॅलीचा असल्याचे आम्हाला आढळले. आम्हाला NDTV वर एक बातमी मिळाली, ज्याचे शीर्षक होते: काँग्रेस भारताला कधीही मजबूत बनवू शकत नाही: राजस्थानमध्ये पंतप्रधान मोदी यांचे विधान एनडीटीव्हीवर अपलोड केलेला १० मिनिटे १८ सेकंदाचा व्हिडिओ राजस्थानच्या जालोरचा होता. १ मिनिट १७ व्या सेकंदाला पंतप्रधान मोदी म्हणतात, 'काँग्रेस कधीही भारताला मजबूत बनवू शकत नाही'. हा अहवाल इतर अनेक माध्यम संस्थांनीही प्रसारित केला होता. नरेंद्र मोदींच्या यूट्यूब चॅनलवर आम्हाला पंतप्रधान नरेंद्र मोदींच्या जालोर सभेचा संपूर्ण व्हिडीओ सुद्धा दिसून आला. १७ मिनिटे ५५ व्या सेकंदावर ते काँग्रेस एक मजबूत राष्ट्र बनवू शकत नाही असे म्हणताना दिसत आहेत. हे ही वाचा<< “त्या विधवांचं मंगळसूत्र..”, मोदींना योगी आदित्यनाथांनी विचारला जाब? प्रश्न केला, पण Video मधून मोठा भाग गायब, पाहा निष्कर्ष: पंतप्रधान नरेंद्र मोदी यांनी "भाजपा भक्कम राष्ट्र बनवू शकत नाही", असे म्हटलेले नाही उलट ते म्हणाले की "काँग्रेस मजबूत भारत बनवू शकत नाही." एडिट केलेला व्हिडीओ व्हायरल होत आहे.
