Viral Video : सोशल मीडियावर अनेक प्रकारच्या घटना व्हायरल होत असतात. काही व्हिडीओ इतके भयानक असतात की पाहून अंगावर काटा येतो. सध्या असाच एक व्हिडीओ समोर आला आहे. या व्हिडीओमध्ये पुलावरून नदीत उडी मारणाऱ्या एका तरुणीला एनडीआरएफ टीम वाचवताना दिसत आहे. हा व्हिडीओ पाहून तुमच्याही अंगावर काटा येईल. सध्या हा व्हिडीओ चांगलाच व्हायरल होत आहे. (ndrf team saved a girl who was trying to commit suicide shocking video goes viral)
आत्महत्या करत होती तरुणी, एनडीआरफ टीमने वाचवला जीव
या व्हायरल व्हिडीओमध्ये तुम्हाला एक तरुणी पुलाच्या खांब्यावर बसलेली दिसत आहे. ती आत्महत्या करण्याच्या विचार करत आहे पण वेळीच एनडीआरएफ टीम येते आणि त्यातील एक जवान तरुणीचे दोन्ही हात घट्ट पकडतो पण ती हात सोडण्याचा प्रयत्न करते तेव्हा दुसरा जवान येतो आणि त्या तरुणीला उचलतो. दोन्ही जवानाच्या मदतीने त्या तरुणीला पुलाच्या खांब्यावरून बाजूला केले जाते. अशा प्रकारे त्या तरुणीला आत्महत्या करण्यापासून वाचवले जाते. सध्या हा व्हिडीओ चांगलाच व्हायरल होत आहे.
हेही वाचा : ही कला फक्त महाराष्ट्रात दिसणार! वारकऱ्याने वाजवली अफलातून ढोलकी, सर्व पाहतच राहिले.. VIDEO होतोय व्हायरल
पाहा व्हायरल व्हिडीओ (Watch Viral Video)
commando_soldier_army या इन्स्टाग्राम अकाउंटवरून हा व्हिडीओ शेअर करण्यात आला असून या व्हिडीओच्या कॅप्शनमध्ये लिहिलेय, “भावा ही तरुणी ट्रेन पुलवरून आपले आयुष्य संपवण्याचा विचार करत होती. कोणीतरी पाहिले आणि कॉल केला तेव्हा एनडीआरफ टीमने तिचे आयुष्य वाचवले.”
या व्हिडीओवर अनेक युजर्सनी प्रतिक्रिया दिल्या आहेत. एका युजरने लिहिलेय, “हे खरे सुपरहिरो आहेत” तर एका युजरने लिहिलेय, “धन्यवाद, त्या मुलीचे आयुष्य वाचवल्याबद्दल” आणखी एका युजरने लिहिलेय, “लोक आत्महत्या करण्याचा विचार का करतात?” एक युजर लिहितो, “आत्महत्या हा पर्याय नाही” तर एक युजर लिहितो, “जगात अशी कोणतीच समस्या नाही जी तुम्ही सोडवू शकत नाही त्यामुळे मरायचा विचार कधीही करू नये. शेवटी आयुष्य एकदाच मिळतं” या व्हिडीओच्या कमेंट बॉक्समध्ये अनेक युजर्सनी एनडीआरएफ टीमचे कौतुक केले आहेत. हा व्हिडीओ नेमका कुठला आहे आणि कधीचा आहे, याविषयी अद्याप माहिती समोर आलेली नाही.
