देशाचे पंतप्रधान नरेंद्र मोदी यांनी काल एक ट्वीट केलं आणि काही तासातच ते व्हायरल झालं. त्यांनी ‘अप्रतिम बातमी. ज्याने भूत जोलोकिया खाल्ली आहे त्यांनाच हे समजेल की ती किती मसालेदार आहे!” अशा कॅप्शनसह मंत्री पीयूष गोयल यांनी केलेलं ट्वीट शेअर केलं. पीयूष गोयल हे वाणिज्य व उद्योग मंत्री तसेच ग्राहक व्यवहार आणि अन्न व सार्वजनिक वितरण आणि वस्त्रोद्योग मंत्री आहेत. त्यांनी केलेलं हे ट्वीट नागालँडमधील सगळ्यात तिखट मिर्चीबद्दल आहे. या मिर्चीची निर्यात थेट लंडनला करण्यात आली आहे. पंतप्रधान नरेंद्र मोदी यांनी शेअर केलेल्या ट्वीटला आतापर्यंत हजारो लोकांनी पसंती दर्शवली आहे. नागालँडमधील ‘राजा मिर्चा’ लंडनमध्ये ईशान्येकडील भागातील भौगोलिक संकेत (जीआय) उत्पादनांच्या निर्यातीला मोठा वाव मिळाला म्हणून, ‘राजा मिर्ची’ला नागालँडमधील 'राजा मिर्चा' म्हणून संबोधित केले गेले. ही मिर्ची २८ जुलैला पहिल्यांदाच गुवाहाटीमार्गे हवाईमार्गे लंडनमध्ये निर्यात केली गेली.स्किव्हिल हीट युनिट (एसएचयू) वर आधारित किंग मिर्ची जगातील सर्वात लोकप्रिय मिर्ची मानली जाते. ही मिर्ची नागालँडच्या पेरेन जिल्हा टेनिंग येथून आणून गुवाहाटीच्या एपीएडीए सहाय्यक पॅकहाऊसमध्ये पॅक करण्यात आली. नागालँडमधील मिर्चीला भूत जोलोकिया आणि भूत मिर्ची असेही म्हणतात. याला २००८ मध्ये जीआय प्रमाणपत्र मिळाले.एपेडाने (APEDA) नागालँड राज्य कृषी मार्केटिंग मंडळाच्या (NSAMB) सहकार्याने ताज्या राजा मिर्चीच्या पहिल्या निर्यातीसाठी समन्वय साधण्यात आला. जून आणि जुलै २०२१ मध्ये प्रयोगशाळेत चाचणीसाठी नमुने पाठविण्यामध्ये एपीएडीएने एनएसएएमबीशी समन्वय साधला होता आणि त्याचे निकाल सेंद्रीय पद्धतीने वाढल्यामुळे उत्साहवर्धक होते. Wonderful news. Only those who have eaten the Bhoot Jolokia will know how spicy it is! — Narendra Modi (@narendramodi) July 28, 2021 मिर्ची निर्यात आव्हानात्मक मिर्चीच्या नाशवंत स्वभावामुळे तिखट राजा मिर्ची निर्यात करणे अत्यंत आव्हानात्मक होते. नागालँडची राजा मिर्ची सोलानासी कुटुंबातील कॅप्सिकम या कुळातील आहे. जगातील सर्वात तिखट मिर्ची म्हणून नागा किंग मिर्ची मानली जाते आणि एसएचयूवर आधारित जगातील तिखट मिर्चीच्या यादीत पहिल्या पाचमध्ये ही मिर्ची सातत्याने असते. एपीईडीए ईशान्य भागावर लक्ष केंद्रित करेल. २०२१ मध्ये, जॅकफ्रूट्सची त्रिपुरा ते लंडन व जर्मनी अशी निर्यात केली. आसाम लिंबूची लंडला तर लाल तांदूळाची अमेरिकेला निर्यात केली. लेटेकू ‘बर्मी द्राक्षा’चीही दुबईत निर्यात करण्यात आली.
