हाय व्होल्टेज पॉवर केबलवर अडकल्यानंतर सुमारे १२ तासांनंतर, ड्रोनच्या मदतीने एका कबुतराची सुटका करण्यात आली. आता सोशल मीडियावर व्हायरल झालेल्या एका व्हिडीओमध्ये, पोलीस अधिकारी ड्रोनला चाकू जोडण्यासाठी टेप वापरताना दिसत आहेत. आणि नंतर तो ड्रोन कबुतराजवळ उडवून पक्ष्याला वीज केबलशी जोडणारी तार कापली.
रॉयटर्सच्या वृत्तानुसार, ही घटना पेरूच्या लिमा येथे घडली. पेरूची राजधानी लीमामध्ये उच्च तणाव असलेल्या विद्युत वायरमध्ये अडकलेल्या कबुतराला वाचवण्यासाठी पेरूच्या पोलिसांनी ड्रोन, काही टेप आणि चाकूच्या ब्लेडचा वापर केला.
( हे ही वाचा: आकाशातून थेट बेडवर कोसळली उल्का! अगदी काही इंचांमुळे वाचला महिलेचा जीव)
डेलीमेलच्या अहवालानुसार, कबुतराला स्थानिकांनी पकडले, ज्याने कात्रीचा वापर करून पक्ष्याच्या पायात गुंफलेली उरलेली तार कापली. बचावलेल्या पक्ष्याला नंतर एका पिंजऱ्यात ठेवण्यात आले आणि सोडून दिलेल्या प्राण्यांसाठी स्थानिक आश्रयामध्ये नेण्यात आले, असे अहवालात म्हटले आहे.
