Viral Video : पुणे हे महाराष्ट्रातील एक सुंदर शहर आहे. येथील इतिहास या शहराची ओळख सांगतो. येथील संस्कृती, ऐतिहासिक वास्तू, प्राचीन मंदिरे, पुणेरी पाट्या इत्यादी गोष्टी नेहमी चर्चेत येतात. पुण्याचे व्हिडीओ तर सोशल मीडियावर चांगलेच व्हायरल होतात.
सध्या असाच एक व्हिडीओ समोर आला आहे. या व्हिडीओमध्ये पुण्यातील रेल्वे स्टेशन दाखवले आहे पण या व्हिडीओमध्ये तुम्हाला जे रेल्वे स्टेशन दिसत आहे, ते आताचे रेल्वे स्टेशन नसून १९६५ मधील रेल्वे स्टेशन आहे. होय, १९६५ मध्ये पुणे स्टेशन कसे दिसायचे, हे तुम्हाला या व्हिडीओमध्ये दिसेल. सध्या हा व्हिडीओ तुफान व्हायरल होत आहे. (pune video how Pune Railway Station looked in 1965 watch viral video)
१९६५ मध्ये पुणे स्टेशन कसं होतं? (how Pune Railway Station looked in 1965 )
या व्हायरल व्हिडीओमध्ये तुम्हाला सुरुवातीला पुणे रेल्वे स्टेशनची इमारत दिसेल. त्यानंतर तुम्हाला रेल्वेस्टेशन जवळ गाड्यांची रेलचेल दिसेल. लोकांची गर्दी दिसेल, पोलीस दिसेल. फूड विक्रेते दिसेल. या व्हिडीओमध्ये तुम्हाला डेक्कन क्वीन ट्रेन सुद्धा दिसेल जी पुणे – मुंबई असा प्रवास करते. हा व्हिडीओ पाहून त्या काळी रेल्वे स्टेशन कसे दिसायचे, स्टेशनवर कसे काम चालायचे, याचा अंदाज येईल. या व्हिडीओमध्ये तुम्हाला काही दृश्ये मुंबईची तर काही दृश्ये पुण्याची दाखवली आहे.
पाहा व्हायरल व्हिडीओ (Watch Viral Video)
हेही वाचा : आई की वैरीण? चिमुकल्या मुलाला जमिनीवर झोपवलं, गळा आवळला अन्… VIDEO पाहून होईल काळजाचं पाणी पाणी
iloovepune__official या इन्स्टाग्राम अकाउंटवरून हा व्हिडिओ शेअर करण्यात आला असून या व्हिडीओच्या कॅप्शनमध्ये लिहिलेय, “बाहेरच्या लोकांमुळे पुण्याचे अस्तित्व आहे, असे म्हणणारे कुठे गेले बघा पुणे आधी पासूनच श्रीमंत आहे” तर एका युजरने लिहिलेय, “मला पुणे खूप आवडते. खरे पुणे आवडते जे पुणेरी लोकांनी भरलेले होते” आणखी एका युजरने लिहिलेय, “MH12 पुणेकर”
यापूर्वी पुण्यातील अनेक ठिकाणांचे जुने व्हिडीओ व्हायरल झाले आहेत. पुणे शहराविषयी जाणून घ्यायला सोशल मीडियावरील लोकांना खूप आवडतं. त्यामुळे असे व्हिडीओ नेटकऱ्यांच्या पसंतीस उतरतात आणि व्हायरल होतात.
