काळजाचा ठोका चुकवणारा VIDEO! अजगराच्या अंगावर झोपली चिमुकली अन्…; पालकांच्या निष्काळजीपणावर नेटकरी संतापले | child playing with python Snake video viral

Python Snake Shocking Video : सोशल मीडियावर व्हायरल होणाऱ्या व्हिडीओत एक चिमुकली महाकाय अजगराबरोबर अशी काय खेळतेय की पाहून तुम्हाला धडकी भरेल,

अजगराचा शॉकिंग व्हिडीओ (फोटो - therealtarzann/ Insta)

Python Snake Shocking Video : अजगराचं नाव घेतलं तर आपल्यापैकी अनेकांना घाम फुटतो आणि अशा अजगराच्या समोर तुम्ही कधी आलात तर त्यावेळी तुमची अवस्था काय होईल? नक्कीच यावेळी तुम्हाला भीती वाटेल यात शंका नाही. कारण अजगर हा एक अतिशय धोकादायक सरपटणारा प्राणी आहे. शिवाय त्याच्यामध्ये माणसांसह इतर प्राण्यांना जिवंत गिळण्याची ताकद आहे. अजगराने एखाद्याला पकडले की त्याच्यापासून सुटका करणं अशक्य असतं. मात्र, सध्या सोशल मीडियावर असा एक व्हिडीओ व्हायरल होत आहे, जो पाहून तुम्हाला डोळ्यांवर विश्वास ठेवणं कठीण होईल.

या व्हायरल व्हिडीओमध्ये एक लहान मुलगी चक्क एका महाकाय अजगरावर अगदी आरामात झोपलेली दिसतेय. हा व्हिडीओ पाहून नेटकरी अवाक झाले असून मुलीच्या पालकांच्या निष्काळजीपणावर तीव्र आक्षेप घेत आहेत.

अजगराला बनवले खेळणे!

व्हिडीओत पाहू शकता की, जमिनीवर एक अजस्त्र आणि वजनदार अजगर रेंगाळताना दिसतोय.त्याच्या अंगावर एक चिमुकली अगदी स्विमिंग पूलमध्ये बसाव तशी आरामात बसलीय, तितक्यात तिथे उभी असलेली एक व्यक्ती त्या सापाचे अवाढव्य शरीर उचलते आणि थेट लहान मुलीच्या अंगावर ठेवते. खरं तर अनेक लहान मुलं एखाद्या प्राण्याला पाहताच रडू लागतात, पण व्हिडीओत ती चिमुरडी जराही न घाबरता, जणू काही तो तिचा एखादा मऊ पाळीव प्राणी किंवा खेळणं असल्यासारखी त्यावर आरामात बसलीय.

View this post on Instagram

हा व्हिडीओ अमेरिकेतील प्रसिद्ध वाईल्डलाईफ इन्फ्लुएन्सर आणि कंटेंट क्रिएटर ‘माइक हॉल्स्टन’ याने आपल्या सोशल मीडिया अकाउंटवर शेअर केला आहे. इंटरनेटवर माइकला ‘रिअल टार्झन’ म्हणून ओळखले जाते. तो अनेकदा अशा धोकादायक प्राण्यांबरोबरचे थरारक व्हिडीओ पोस्ट करत असतो.

हा व्हिडीओ व्हायरल होताच सोशल मीडियावर संतापाची लाट उसळली आहे. केवळ लाईक्स, व्ह्युज आणि सोशल मीडियावर व्हायरल होण्याच्या नादात लोक स्वतःच्या मुलांच्या सुरक्षिततेशी खेळत असल्याचा आरोप युजर्स करत आहेत.

एका युझरने लिहिले, “जर सापाने अचानक आक्रमक होऊन हल्ला केला असता तर काय झाले असते? सेकंदात होत्याचे नव्हते झाले असते.” दुसऱ्याने सुनावले, “अशा धोकादायक प्राण्यांबरोबर लहान मुलाला खेळायला सोडणे हा निव्वळ बेजबाबदारपणाचा कळस आहे.” व्हिडीओ कितीही लोकप्रिय होत असला, तरी पालकांनी मुलांच्या जीवाशी असा जीवघेणा खेळ करू नये, अशा शब्दांत नेटकऱ्यांनी पालकांचे कान टोचले आहेत.

व्हिडीओमध्ये दिसणारा साप हा सामान्य साप नसून तो ‘रेटिक्युलेटेड पायथन’ म्हणजेच जाळीदार अजगर आहे. या सापाची वैशिष्ट्ये आणि क्रूरता खालीलप्रमाणे आहे.

हेही वाचा

एक टूथब्रश किती महिने वापरणे योग्य? जाणून घ्या डॉक्टरांचा सल्ला

हा जगातील सर्वात लांब सापांपैकी एक मानला जातो. याची लांबी सामान्यतः २० ते २२ फूट असते, तर काही ठिकाणी तो ३० फुटांपेक्षाही जास्त मोठा आढळला आहे. याचे वजन तब्बल ७५ ते १५० किलोपर्यंत असू शकते. हा साप विषारी नसतो, पण त्याची शारीरिक ताकद अवाढव्य असते. तो आपल्या भक्षाला दंश करून मारत नाही, तर शरीराचे वेटोळे घालून त्याला इतके घट्ट आवळतो की समोरच्याचा श्वास गुदमरतो. शिकार मृत झाल्यानंतर तो त्याला थेट गिळून टाकतो. हे अजगर प्रामुख्याने आग्नेय आशियातील देशांमध्ये, विशेषतः इंडोनेशियातील सुमात्रा, जावा, बोर्नियो आणि बाली या घनदाट जंगलांच्या भागात आढळतात. या सापाने माणसांवर हल्ला करून त्यांना जिवंत गिळल्याच्या अनेक भयंकर घटना यापूर्वी समोर आल्या आहेत.