scorecardresearch

Ratan Tata Birthday: रतन टाटांना ‘मनसे’ शुभेच्छा! राज ठाकरे रतन टाटांच्या पाया पडतानाचा फोटो चर्चेचा विषय; कॅप्शनने वेधलं लक्ष

आज रतन टाटांनी वयाच्या ८५ व्या वर्षात पदार्पण केलं असून त्यांच्या वाढदिवसानिमित्त ही पोस्ट करण्यात आलीय

Ratan Tata Birthday: रतन टाटांना ‘मनसे’ शुभेच्छा! राज ठाकरे रतन टाटांच्या पाया पडतानाचा फोटो चर्चेचा विषय; कॅप्शनने वेधलं लक्ष
फेसबुकवरुन नोंदवली प्रतिक्रिया (फोटो सोशल मीडिया आणि पीटीआय़वरुन साभार)

टाटा उद्योग समुहाचे अध्यक्ष रतन टाटा यांचा आज वाढदिवस. आज रतन टाटांनी वयाच्या ८५ व्या वर्षात पदार्पण केलं. रतन टाटांच्या वाढदिवसानिमित्तमहाराष्ट्र नवनिर्माण सेनेच्या अधिकृत पेजवरुन त्यांना वाढदिवसाच्या विशेष शुभेच्छा देण्यात आल्या आहेत. मनसेच्या फेसबुक पेजवरुन रतन टाटा आणि मनसे पक्षप्रमुख राज ठाकरेंचा एक फोटो शेअर करत या शुभेच्छा दिल्या आहेत.

मनसेच्या ‘मनसे वृत्तांत अधिकृत’ या व्हेरिफाइड फेसबुक पेजवरुन रतन टाटांच्या वाढदिवसानिमित्त खास पोस्ट शेअर करण्यात आली आहे. या पोस्टमध्ये राज ठाकरे रतन टाटांच्या पाया पडतानाचा दिसत आहेत. तर रतन टाटा राज यांच्या खांद्याला धरुन त्यांनी केलेला नमस्कार स्वीकारत आहेत. राज आणि टाटांचा हा जुना फोटो शेअर करत मनसेनं, “ज्यांचा प्रत्येक भारतीयाला अभिमान आहे, असे महान व्यक्तिमत्व आदरणीय रतन टाटा यांना वाढदिवसाच्या मनःपूर्वक शुभेच्छा,” असं म्हणत शुभेच्छा दिल्यात. या वाक्याच्या शेवटी मनसेंन हार्टचा इमोजीही वापरला आहे.

रतन टाटा हे टाटा समूहाचे संस्थापक जमशेदजी टाटा यांचे दत्तक नातू नवल टाटा यांचे पुत्र आहेत. जे.आर.डी. टाटा हे ‘टाटा सन्स’च्या चेअरमन पदावरून १९९१ साली निवृत्त झाले. त्यानंतर कंपनीच्या चेअरमनपदाची जबाबदारी रतन टाटा यांच्या खांद्यावर आली. यानंतर टाटा सन्सने प्रगतीची अनेक शिखरं गाठली. त्याला रतन टाटांची मेहनतच कारणीभूत आहे. रतन टाटांच्या नेतृत्वाखाली टाटा समुहाने अन्य कित्येक कंपन्यांचं अधिग्रहण केलं. ‘टाटा टी’ या कंपनीने ‘टेटले’ कंपनीला, ‘टाटा मोटर्स’ने ‘जॅग्वार लँड रोव्हर’ला , आणि ‘टाटा स्टील’ने ‘कोरस’ कंपनीचं अधिग्रहण केलं. २००४ साली ‘टाटा कन्सल्टन्सी सर्व्हिसेस’ शेअर बाजारात लिस्ट झाली.

यशस्वी उद्योजक, दूरदृष्टी व्यक्ती, देशभक्त आणि सामान्यांप्रती आदर असणारी व्यक्ती म्हणून रतन टाटा यांची ओळख आहे. 

मराठीतील सर्व ट्रेंडिंग ( Trending ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 28-12-2022 at 16:10 IST

संबंधित बातम्या