Shake It to the Max Dance Elder Women Video: सोशल मीडियावर दररोज असंख्य व्हिडीओ व्हायरल होताना आपण पाहत असतो. त्यात डान्सच्या व्हिडीओंची संख्या अधिक असते. अगदी लहानग्यांपासून ते वयोवृद्धापर्यंतची मंडळी सोशल मीडियावर थिरकताना दिसतात. प्रसिद्धीसाठी किंवा स्वत:च्या आनंदासाठी अनेक लोक मेट्रोत, तर कधी सार्वजनिक ठिकाणी, तर कधी रस्त्यांवर डान्स करताना आपल्याला दिसतात.
गेल्या काही महिन्यांपासून सोशल मीडियावर ‘शेकी शेकी’ ‘गुलाबी साडी’, ‘तौबा तौबा’, ‘कतल’ अशी गाणी खूप चर्चेत आली आहेत. त्यावर लाखो लोकांनी रील्स बनवलेल्या पाहायला मिळत आहेत. पण, सध्या एक इंग्रजी गाणंही खूप ट्रेंडिंग होतंय, ते म्हणजे “शेक इट टू द मॅक्स”. सध्या व्हायरल होणाऱ्या या गा्यावर तरुण पिढी थिरकताना दिसतेय. पण तरुणांनाही मागे टाकत काही वयोवृद्ध महिलांनी या गाण्यावर जबरदस्त डान्स केला आहे. याचाच व्हिडीओ सध्या सोशल मीडियावर व्हायरल होत आहे.
“शेक इट टू द मॅक्स” गाण्यावर आजींचा डान्स (Shake It to the Max Dance Video)
सोशल मीडियावर व्हायरल झालेल्या या व्हिडीओमध्ये आपण पाहू शकतो की, पाच वयोवृद्ध महिला शेक इट टू द मॅक्स या इंग्रजी गाण्यावर थिरकताना दिसतायत. एकाच रंगाची साडी नेसून या पाचहीजणी अगदी जोशात डान्स करताना दिसतायत. अगदी हुबेहूब डान्स स्टेप करत या पाचही आजींनी सगळ्यांचं मन जिंकलंय.
सोशल मीडियावर व्हायरल झालेला हा व्हिडीओ @shantai_second_childhood या इन्स्टाग्राम अकाउंटवरून शेअर करण्यात आला असून याला तब्बल ४.५ मिलियन व्ह्यूज आले आहेत. तसंच “शेक इट टू द मॅक्स, स्पर्धा करण्यासाठी कोणी आहे का?” अशी कॅप्शन व्हिडीओला देण्यात आलेली आहे.
युजर्सच्या प्रतिक्रिया
आजींच्या डान्सचा हा व्हिडीओ व्हायरल होताच अनेकांनी यावर आपल्या प्रतिक्रिया दिल्या आहेत. एका युजरने कमेंट करत लिहिलं, “आज मी पाहिलेली ही खरोखरच सर्वात गोंडस गोष्ट आहे”, तर दुसऱ्याने “वय हा फक्त एक आकडा आहे” अशी कमेंट केली. तर एक जण कमेंट करत म्हणाला, “त्या खरोखरच जीवनाचा आनंद घेत आहेत. ” तर एकाने “मला खूप आवडला डान्स” अशी कमेंट केली.
दरम्यान, हे ट्रेंडिंग गाणं अमेरिकन गायक मोली आणि जमैकन निर्माते सायलेंट अ‍ॅडी यांचं आहे. आणि या गायिकेनेदेखील व्हिडीओ पाहून त्यावर कमेंट केली आहे.
