ना व्हिलचेअर दिली, ना कोणी मदत केली, एक पाय गमावलेला रुग्ण टाच घासत…. पुण्यातील रुग्णालयाचा Video Viral

सरकारी रुग्णालयातील अवस्था दर्शवणारा व्हिडिओ सध्या चर्चेचा विषय ठरत आहे. रुग्णाला वॉर्डमधून बाहेर घेऊन जाण्यासाठी रुग्णालयाकडे व्हिलचेअर नसल्याचे समोर आले आहे.

Written by शरयू काकडे

Updated: April 17, 2025 12:04 IST

Shocking Neglect At Punes hpsopital Disabled man Dragging Himself On Floor Without Wheelchair VIDEO

रुग्णाला दिली नाही व्हिलचेअर (सौजन्य - Pune First @Pune_First Your go-to source for everything Pune! From the latest news and events to food, culture and local happenings—stay updated with all that's buzzing in the city. 35 Following 312 Followers Post See new posts Conversation Pune First @Pune_FirstX)

सोशल मीडियावर एका रुग्णालयातील धक्कादायक व्हिडिओ समोर आला आहे. व्हायरल व्हिडीओमध्ये एक दिव्यांग रुग्णाला बाहेर जाण्यासाठी साधी व्हिलेचेअर किंवा स्ट्रेचर देखील देखील देण्यात आलेले नाही. तो रुग्ण हाताचा आधार घेऊन जमिनीवर सरकत आहे. धक्कादायक व्हिडिओ सध्या तुफान व्हायरल होत आहे.

सरकारी रुग्णालयातील अवस्था दर्शवणारा व्हिडिओ सध्या चर्चेचा विषय ठरत आहे. रुग्णाला वॉर्डमधून बाहेर घेऊन जाण्यासाठी रुग्णालयाकडे व्हिलचेअर नसल्याचे समोर आले आहे. व्हिडिओ पाहून नेटकऱ्यांचा संताप होत आहे.हा व्हिडिओ पुण्यातील सरकारी रुग्णालयातील असल्याचा दावा केला जात आहे.

पुण्यातील व्हिडीओ व्हायरल

व्हायरल व्हिडीओमध्ये एका हॉस्पिटलमध्ये एक रुग्ण दिव्यांग रुग्ण दिसत आहे. रुग्णाच्या एका पायाला दुखापत झालेली असून त्याच्या एका पायाला पट्टी बांधलेली आहे. हा रुग्ण दोन पायांवर उभा देखील राहू शकत नाही तरीही त्याला व्हिलचेअर किंवा स्ट्रेचर दिलेले नाही. रुग्णाला जमिनीवर बसून सरकत सरकत पुढे जावे लागत आहे. दोन्ही हात आणि एका पायाच्या मदतीने तो जमिनीवर पुढे पुढे सरकताना दिसत आहे.

मिळालेल्या माहितीनुसार, हा रुग्ण अपघातात पाय गमावल्यानंतर उपचारासाठी आला होता. त्याच्यावर उपचार करण्यात आले. पण रुग्णाला डिस्चार्ज दिल्यानंतर बाहेर सोडण्यासाठी तिथे व्हीलचेअर उपलब्ध नव्हती.

हेही वाचा

“मम्मी-मम्मी…ओरडत राहिली चिमुकली! रीलच्या नादात नदीमध्ये वाहून गेली आई, १६ सेकंदाचा Video पाहून अंगावर येईल काटा

No wheelchairs at Pune’s Sassoon Hospital? Amputee seen dragging himself across the floor without assistancepic.twitter.com/X95O0E5Ou8
— Pune First (@Pune_First) April 16, 2025

साम टीव्हीशी बोलताना, रुग्णाने माहिती दिली की “माझ्या पायाला दुखापत झाली होती, म्हणून मी रुग्णालयात आलो. त्यांनी फक्त माझ्या पायाला मलमपट्टी केली आणि मला पाठवले. त्यांनी मला व्हीलचेअरही दिली नाही. कोणच्याही मदतीशिवाय मी स्वतः बाहेर जाण्याचा प्रयत्न करत होतो. मी नागपूरहून इथे आलो आहे, पुण्यात माझे कोणी नाही.

हेही वाचा

क्रुरतेचा कळस! भटक्या कुत्र्याला आधी दोरीने बांधले नंतर काठीने मारून घेतला जीव; संतापजनक घटनेचा Video Viral

नेटकऱ्यांचा संताप

व्हायरल व्हिडिओ पाहून नेटकऱ्यांनी रुग्णालय व्यवस्था आणि रुग्णाची होणाऱ्या गैरसोयीबाबत रोष व्यक्त केला आहे.

व्हिडीओवर कमेट कर अनेकांनी रोष व्यक्त केला. एकाने कमेंट करत म्हटले की, एका सरकारी रुग्णालायता दिव्यांग रुग्णाला मुलभूत सोयी सुविधा देखील दिल्या जात नाही हे अत्यंत लज्जास्पद आहे. याविरोधात कारवाई रुग्णालय प्रशानसनाविरोधात कारवाई केली पाहिजे.

दुसऱ्याने कमेटं केली की, “रुग्णालयातून नुकतेच डिस्चार्ज झालेला रुग्ण व्हीलचेअरच्या अभावामुळे त्रास सहन करताना दिसला. हीच का विकसित भारतची आरोग्यसेवा?

सरकारी रुग्णालयातील मूलभूत सुविधा आणि रुग्णसेवेतील त्रुटी याकडे गांभीर्याने लक्ष देणे आवश्यक आहे.”

This quiz is AI-generated and for edutainment purposes only.

तिसऱ्याने कमेंट केली, “गेल्या अनेक दशकांपासून कोणतेही सरकार या समस्या का सोडवू शकले नाही आणि का नाही? इतरत्र जिल्हास्तरीय रुग्णालयांची परिस्थिती काय असेल याची कल्पना करा!! आता कुठे गेले आहेत ते सर्व राजकीय संघटना?? खाजगी रुग्णालयांवर दगडफेक करणारे!!”

Web Title: Shocking neglect at punes hpsopital disabled man dragging himself on floor without wheelchair video snk