“देवा अशी वेळ कुणावरच येऊ नये” वरमाला सुरू असतानाच एक्स बॉयफ्रेंडनं नवरीवर झाडली गोळी आणि… धक्कादायक घटनेचा Video समोर

सोशल मीडियावर लग्नाचे अनेक व्हिडिओ पाहायला मिळतात. यातील अनेक व्हिडीओ असे असतात जे पाहून नेटकऱ्यांना तुफान मजा येते. तर काही व्हिडिओ पाहिल्यानंतरही आश्चर्याचा धक्काही बसतो. सध्या असाच एक व्हिडिओ व्हायरल होत आहे. अनेकवेळा लग्नाच्या वेळीच असं काहीतरी घडतं की नवरी आणि नवरदेव दोन्हीकडील लोक गोंधळात पडतात. असं म्हटलं जातं, की विवाहसोहळा कधीकधी खूप तणावपूर्ण आणि नाट्यमयही असू शकतो. जर वधू किंवा वराचे लग्नाआधी इतर कोणाशी संबंध असतील तर लग्नात मोठा गोंधळही निर्माण होऊ शकतो. असं घडल्याचे अनेक व्हिडिओही आपल्याला सोशल मीडियावर पाहायला मिळतात. आता अशीच एक घटना समोर आली आहे.

एक काळजाचा थरकाप उडवणारा प्रकार बिहारमधील बक्सर जिल्ह्यात घडला आहे. उत्तर प्रदेशातून वरात आली होती, सगळीकडे जल्लोष होता, पण एका माथेफिरूच्या कृत्याने या लग्नमंडपाचे रूपांतर गोंधळात झाले.
बक्सरच्या चौसा परिसरात मंगळवारी रात्री आरती कुमारी (18) हिच्या लग्नाचा सोहळा मोठ्या थाटामाटात सुरू होता. उत्तर प्रदेशातील बलिया येथून बारात दारात आली होती. गाणी-बजावणी सुरू असताना आरती आणि तिचा होणारा पती वरमालेसाठी स्टेजवर उभे होते. नवरा-नवरीची आरती ओवाळली जात होती, तितक्यात मास्क घालून आलेल्या एका तरुणाने मुलींच्या गर्दीतून पुढे येत थेट आरतीच्या पोटावर गोळी झाडली. गाण्यांच्या मोठ्या आवाजात गोळीचा आवाज दबला गेला, पण काही क्षणांतच आरती रक्ताच्या थारोळ्यात स्टेजवर कोसळली आणि लग्नमंडपात एकच खळबळ उडाली.

पाहा व्हिडीओ

https://x.com/Merchant00024/status/2026624935289041389?s=20

अवघ्या १५ सेकंदांचा हा व्हिडिओ सोशल मीडियावर व्हायरल होतोय… एखाद्या बॉलिवूड सिनेमाला शोभेल अशी घटना असली तरी ती खऱ्या आयुष्यात घडलीय. या व्हिडीओवर नेटकरी वेगवेगळ्या प्रतिक्रिया देत आहेत. एकानं प्रतिक्रिया देत म्हंटलंय, “अशी वेळ कुणावरच येऊ नये”.