Shocking Video: घरात लहान मूल असलं की कायम त्याच्याकडे लक्ष द्या असं सांगितलं जातं, कारण कधी कोणता वाईट प्रसंग येईल हे सांगता येत नाही. घरात लहान मुलांची विशेष काळजी घेतली जाते, त्यांना लागू नये, ते मस्ती करता करता कुठे पडू नये यासाठी त्यांच्यामागे एक माणूस असतोच. अशा वेळेस अनेकदा निष्काळजीपणामुळे किंवा दुर्लक्ष झाल्यामुळे लहान मुलांचा अपघात होतो. यात कधी गंभीर दुखापत होते तर कधी चिमुकल्यांचा जीवही जातो.
सध्या असाच काहीसा प्रकार एका घटनेत घडला आहे, ज्याचा व्हिडीओ सोशल मीडियावर व्हायरल होतोय. या घटनेत अचानक एका ठिकाणी आग लागते आणि त्याचा भडका चिमुकलीच्या अंगावर उडतो. नेमकं काय घडलं ते जाणून घेऊ या…
हेही वाचा… VIDEO: भयंकर अपघातात महिलेसह चिमुकल्याचा ‘असा’ वाचला जीव; बसमध्ये जे घडलं ते पाहून उडेल थरकाप
व्हायरल व्हिडीओ
सोशल मीडियावर व्हायरल झालेला हा व्हिडीओ सध्या चर्चेत आहे. या व्हिडीओमध्ये आपण पाहू शकतो की, घराबाहेरील अंगणात अनेक जण जेवण बनवत असतात. तेवढ्यात एका ठिकाणी अचानक आगीचा भडका उडतो. याच अंगणात समोर एक चिमुकली खेळताना दिसतेय. आगीचा भडका होताच तो थेट चिमुकलीच्या अंगावर येतो. चिमुकलीवर आगीचा भडका उडाल्यावर तिच्या ड्रेसला आग लागते. हे पाहताच आजूबाजूची माणसं लगेच तिच्याजवळ जातात आणि आग विझवत तिला उचलून दुसरीकडे नेतात.
हा व्हिडीओ @nimbahera.update या इन्स्टाग्राम अकाउंटवरून काही तासांपूर्वीच शेअर करण्यात आला असून याला तब्बल २२ लाखांपेक्षा जास्त व्ह्युज आले आहेत. दरम्यान, ही घटना नेमकी कुठे घडली हे अद्याप कळू शकले नाही.
दरम्यान, हा व्हिडीओ पाहून अनेकांनी यावर धक्कादायक प्रतिक्रिया दिल्या आहेत. एका युजरने कमेंट करत लिहिलं, “लहान मुलीला अशा ठिकाणी खेळायला देणं हेच चुकीचं आहे.” तर दुसऱ्याने, “नशीब त्याने लगेच मुलीला उचललं आणि आग विझवली” अशी कमेंट केली. तर एक जण म्हणाला, “पालक म्हणून मुलांना सुरक्षित वातावरणात ठेवणं त्यांची जबाबदारी आहे.”
