Mother Viral Video: आई आणि तिच्या लेकरांचं नातं अगदी खास असतं. काळजाच्या तुकड्याप्रमाणे आपल्या लेकरांना जपणारी आई प्रत्यक्ष अनेकदा संकटांना सामोरी जात असते. अगदी जन्म दिल्यापासून ते मूल मोठं होईपर्यंत आई आपल्या मुलांना सांभाळते, त्यांचं रक्षण करते. लहान-मोठ्या सगळ्या संकटांत ती आपल्या मुलांच्या पाठीशी खंबीरपणे उभी राहते. आपल्या लेकराला कुठे खरचटलं तरी आईचा जीव वर-खाली होतो. पण जर हीच आई आपल्या मुलीच्या जीवावर उठली तर…
अनेकदा बातम्यांमध्ये किंवा सोशल मीडियावर काही ममतेच्या क्रूरतेचे व्हिडीओही व्हायरल झालेले आपण पाहतो. सध्या सोशल मीडियावर एक असाच व्हिडीओ व्हायरल होत आहे, ज्यात एका महिलेने आपल्या लेकीबरोबर काय केलंय पाहा…
आईचा धक्कादायक व्हिडीओ (Shocking Video)
महिलेच्या विकृत कृतीचा हा व्हिडीओ पाहून तुमच्या पायाखालची जमीनच सरकेल. सोशल मीडियावर व्हायरल झालेल्या व्हिडीओमध्ये आपण पाहू शकतो की, एक महिला अगदी जोर लावून एका लहान मुलीला बिल्डिंच्या बाल्कनीमधून ढकलून देण्याचा प्रयत्न करत आहे. या प्रयत्नात ती यशस्वीदेखील होते. चिमुकलीला खाली फेकून दिल्यावर महिला ती नीट खाली पडलीय ना हे बघते आणि काहीच न झाल्यासारखं भासवते. दरम्यान, ही घटना नेमकी कठे घडली आहे हे अद्याप कळू शकले नाही.
सोशल मीडियावर व्हायरल झालेला हा व्हिडीओ @gurugorakhnathjiom या इन्स्टाग्राम अकाउंटवरून शेअर करण्यात आला असून याला तब्बल १.४ मिलियन व्ह्यूज आले आहेत. तसंच “कोणतीही दया न दाखवता मुलीला चौथ्या मजल्यावरून खाली फेकण्यात आले”, अशी कॅप्शन व्हिडीओला देण्यात आलेली आहे.
युजर्सच्या प्रतिक्रिया
सोशल मीडियावर व्हायरल झालेला व्हिडीओ पाहून अनेकांनी यावर संतप्त प्रतिक्रिया दिल्या आहेत. एका युजरने कमेंट करत लिहिलं, “जर मुलांना वाढवता येत नसेल तर अनाथाश्रममध्ये सोडून या”, तर दुसऱ्याने “व्हिडीओ बनवणाऱ्याने व्हिडीओ काढण्यापेक्षा मदत केली असती तर काय झालं असतं.” अशी कमेंट केली. तर एकजण कमेंट करत म्हणाला, “तिच्या कर्माचे फळ तिला भोगावे लागेल” तर एकाने “निर्लज्ज बाई, यापेक्षा लेकीला जन्मच द्यायचा नव्हता ना ” अशी कमेंट केली.
