Shocking Video: सोशल मीडियावर दर दुसऱ्या दिवशी अनोखे व्हिडीओ व्हायरल होत असतात. त्यातले काही व्हिडीओ मजेशीर असतात, तर काही व्हिडीओ पाहून आपल्याला धक्काच बसतो. या डिजिटल युगात कोणतीही गोष्ट व्हायरल व्हायला जास्त वेळ लागत नाही. पण सोशल मीडियावरून मिळणाऱ्या या प्रसिद्धीसाठी लोक आजकाल काहीही करू लागले आहेत.
स्वत:च्या जीवाची पर्वा न करता मर्यादा ओलांडू लागले आहेत. सध्या सोशल मीडियावर एक असाच व्हिडीओ व्हायरल होतोय. ज्यात, एका व्हिडीओसाठी एक महिला थेट आगीशी खेळू लागली आहे. नेमकं या व्हिडीओमध्ये महिलेने काय केलंय, जाणून घेऊ या…
महिलेचा आगीशी खेळ (Woman Fire Stunt for Reel)
महिलेचा व्हायरल झालेला व्हिडीओ पाहून तुम्हालाही धक्का बसेल. या व्हिडीओमध्ये एक महिला रिलसाठी स्वत:चा जीव धोक्यात घालत आगीशी खेळताना दिसत आहे. व्हायरल झालेल्या व्हिडीओमध्ये आपण पाहू शकतो की, दिवानी दिवानी या गाण्यावर एक महिला डान्स करताना दिसतेय. पण यात धक्कादायक गोष्ट अशी की, महिला चक्क आगीने पेट घेतलेली ओढणी घालून गाण्यावर थिरकताना दिसतेय.
आगीने जोरदार पेट घेताच महिला ती ओढणी जमिनीवर फेकून देते पण आग विझवण्याची सोडून ती रिलसाठी तिथेच डान्स करताना या व्हिडीओमध्ये दिसतेय. व्हायरल झालेल्या या व्हिडीओत महिलेबरोबर एक लहान मूलही तिथे आजूबाजूला बागडताना दिसत आहे. पण हे मुलासाठी किती धोकादायक असू शकतं हे कळूनही महिलेचा प्रताप सुरूच आहे.
सोशल मीडियावर व्हायरल झालेला व्हिडीओ @manjusaini3446 या इन्स्टाग्राम अकाउंटवरून शेअर करण्यात आला आहे. तर व्हिडीओ व्हायरल होताच याला तब्बल २.६ मिलियन व्हयुज आले आहेत. दरम्यान, हा व्हिडीओ नेमका कुठला आहे हे अद्याप कळू शकले नाही.
युजर्सच्या प्रतिक्रिया
सोशल मीडियावर व्हिडीओ व्हायरल होताच अनेकांनी यावर आपल्या प्रतिक्रिया दिल्या आहेत. एका युजरने कमेंट करत लिहिलं, “आज ही संपूर्ण घराला आग लावूनच मानेल” तर दुसऱ्याने “लहान मुलांसमोर असा स्टंट करू नये एवढंही कळत नाही हीला” अशी कमेंट केली. तर एकजण कमेंट करत म्हणाला, “अगं आई ना तू, आपल्या मुलासमोर कोण असं करतं का?”
