बापरे भयंकर विकृती! सासरच्या लोकांनी भर रस्त्यात महिलेचे कपडे फाडले; फरफटत नेलं अन्… धक्कादायक VIDEO व्हायरल

या घटनेदरम्यान, पीडितेला गावकऱ्यांनी कथितरीत्या ओढत नेले, तिचे केस कापले आणि तिच्या गळ्यात चपलांचा हार घातला. तिचे कपडे फाडण्यात आले, चेहरा काळा करण्यात आला आणि तिला चपलांचा हार घालून गावातून धिंड काढण्यात आली. पोलिसांनी सांगितले की, संबंधित पुरुषाचे वडील, नातेवाईक आणि काही ग्रामस्थांनी हा हल्ला केला.

११ जणांवर गुन्हा दाखल, ३ जणांना अटक

या घटनेसंदर्भात पोलिसांनी ३ महिलांसह ११ जणांविरुद्ध गुन्हा दाखल केला आहे. आतापर्यंत तीन संशयितांना अटक करण्यात आली असून, पुढील तपास सुरू आहे. हल्ल्यामागच्या परिस्थितीचा तपास केला जात असून यात सहभागी असलेल्यांवर कारवाई केली जात असल्याचे प्रशासनाने सांगितले.

पाहा व्हिडीओ

जोडीदाराविरुद्ध बलात्कारचा गुन्हा दाखल केल्याने त्याचे कुटुंबीय संतापले

पोलिसांनी दिलेल्या माहितीनुसार, संबंधित महिलेचे लग्न १२ ते १४ वर्षांपूर्वी याच गावात झाले होते. त्यानंतर, तिने पतीला सोडले आणि सुमारे तीन ते चार वर्षांपूर्वी ती स्थानिक परिसरातीलच एका दुसऱ्या पुरुषासोबत राहू लागली. तिने त्या पुरुषाविरुद्ध बलात्काराचा गुन्हाही दाखल केला होता, ज्यामुळे त्याला तुरुंगात जावे लागले होते. अलीकडेच त्याची तुरुंगातून सुटका झाली आणि त्यानंतर ती पुन्हा त्याच्यासोबत राहू लागली. या गोष्टीमुळे त्याचे कुटुंबीय संतापले आणि मंगळवारी काही ग्रामस्थ व नातेवाईकांनी तिच्यावर कथितरीत्या हल्ला केला. या घटनेमुळे गावातील तणाव आणि जमावाकडून केल्या जाणाऱ्या कथित हिंसक कृत्यांबाबत गंभीर चिंता निर्माण झाली आहे.