Viral video: सोशल मीडियावर व्हायरल होण्याची क्रेझ इतकी वाढली आहे की लोकांना काहीही करून व्हायरल व्हायचे आहे. त्यासाठी स्वत:चा व इतरांचा जीव पणाला लावावा लागला तरी चालेल. रील माफियांना पोलिस आणि कायद्याची भीती तर नाहीच पण आपला जीव गमवावा लागण्याचीही भीती राहिलेली नाही. अशा परिस्थितीत लोक कार आणि बाइकवर धोकादायक स्टंट करतात. यावेळी ते केवळ स्वतःचा जीव धोक्यात घालत नाहीत, तर असे लोक इतरांच्या जीवाशीही खेळतात.असाच एक व्हिडिओ सोशल मीडियावर व्हायरल होत आहे, ज्यामध्ये एक तरुण चालत्या बाईकच्या सीटवर उभा आहे. रील बनवण्यासाठी तरुणाची ही स्टंटबाजी सुरु आहे. त्याचा व्हिडीओ सध्या सोशल मीडियावर व्हायरल होत असून पाहून तुमचाही श्वास थांबेल.
काही मंडळींना स्टंटबाजी करण्याची फारच हौस असते. ही मंडळी संधी मिळताच चित्रविचित्र स्टंट मारून लोकांचं लक्ष वेधून घेण्याचा प्रयत्न करतात. पण ही स्टंटबाजी काही वेळेस अंगाशी सुद्धा येते. स्टंटबाजांना नको त्या ठिकाणी मार बसतो आणि आयुष्यभरासाठी अपंगत्व येतं. वाहतुकीचे नियम मोडून रस्त्यावर वाहनांची भन्नाट स्टंटबाजी करतानाचे व्हिडीओ सोशल मीडियावर व्हायरल होताना दिसतात. पण व्हिडीओच्या माध्यमातून प्रसिद्धी मिळवण्यासाठी धोकादायक स्टंटबाजी करणाऱ्यांना चांगलीच अद्दलही घडल्याचे व्हिडीओ अनेकदा समोर आले आहेत.
या व्हिडीओमध्ये तुम्ही पाहू शकता की, तरुण भरधाव बाईकवर उभा राहतो, मात्र अचानक त्याचा तोल जातो आणि तो खाली पडतो. त्याने हेल्मेट काढून हातात धरलेलं असल्याने त्याच्या डोक्याला देखील थोडीफार दुखापत झाली. शिवाय त्याच्या बाईकचं काय झालं असेल, याची कल्पनाही करता येते. मागून दुसऱ्या बाईकवर बसलेल्या व्यक्तीच्या साथीदाराने हा व्हिडिओ कॅमेऱ्यात रेकॉर्ड केला, जो सध्या सोशल मीडियावर व्हायरल होत आहे. व्हिडिओ व्हायरल झाल्यानंतर, वापरकर्त्यांनी पोलिसांना टॅग केले आणि त्या व्यक्तीला अटक करण्याची मागणी केली.
पाहा व्हिडीओ
@Nalanda_index नावाच्या एक्स अकाउंटवरून हा व्हिडिओ शेअर करण्यात आला आहे, जो आतापर्यंत ३ हजारांहून अधिक लाईक मिळाले आहेत. अशा परिस्थितीत युजर्स व्हिडिओवर आपल्या प्रतिक्रियाही देत आहेत. एका युजरने लिहिले, “अशा लोकांना फक्त पोलीस लाठीमारच सुधारू शकतात.” अशी प्रतिक्रिया दिली आहे.
