“मृत्यू कधीच श्रीमंत किंवा गरीब पाहत नाही…” फोटोसाठी धबधब्यात गेली अन् पुढच्याच क्षणी वाहून गेली; थरारक VIDEO व्हायरल

या व्हिडीओमध्ये तुम्ही पाहू शकता, आधीच दोन महिला आणि एक लहान मुलगा धबधब्याच्या पुढच्या बाजूला उभे राहून फोटो काढत आहेत. यावेळी आणखी एक महिला त्यांच्या बाजूला फोटो काढण्यासाठी जाते आणि होत्याचं नव्हतं होत. अचानक धबधब्यातील पाण्याचा प्रवाह वाढतो आणि या प्रचंड पाण्यात तीन महिला आणि लहान मुलगा अक्षरश: क्षणात वाहून जातात. या पाण्याचा वेग इतका प्रचंड होता की क्षणात सर्वजण दिसेनासे झाले.

अनेक कुटुंब आपल्या लहान मुलांसह धबधब्याचा आनंद घेण्यासाठी आले होते. व्हिडीओच्या सुरुवातीला अनेक नागरिक येथे मजामस्ती करताना दिसत आहेत. हे एक संपूर्ण कुटुंबच असल्याचं व्हिडीओमध्ये दिसत आहे. मात्र, काही वेळानंतर येथील चित्रच पालटलं. अवघ्या पाच सेकंदात अचानक पाण्याचा वेग आणि पातळी वाढल्यानंतर पर्यटकांमध्ये घबराट निर्माण झाली.

अवघ्या काही सेकंदांत वाहून गेले

अवघ्या काही सेकंदांच्या या व्हिडीओत काही पर्यटक पाण्यात आनंद घेताना दिसत आहेत. यावेळी अचानक पाण्याचा मोठा झोत येतो आणि काही पर्यटकांना प्रवाहाबरोबर घेऊन जातो. हे सर्व काही इतक्या अचानक घडलंय की, लोकांना काही समजलेच नाही. या थरकाप उडवणाऱ्या घटनेत लोक आपला जीव वाचवण्यासाठी कसे आरडाओरडा करतायत हे दिसतेय. दरम्यान ही घटना कुठे घडली याबाबत माहिती मिळू शकलेली नाही.

पाहा व्हिडीओ

या भीषण घटनेचा व्हिडीओ official_vishwa_96k नावाच्या इन्स्टाग्राम अकाउंटवरून पोस्ट करण्यात आला आहे. यावेळी कॅप्शनमध्ये, “मृत्यू कधीच श्रीमंत किंवा गरीब पाहत नाही, तो फक्त कर्म पाहतो, आणि पैशाच्या माज – फक्त माणसापुढेच चालतो कर्मा पुढे भले भले भीक मागतात” असं लिहलं आहे. तसेच व्हिडीओवर लोकही वेगवेगळ्या प्रतिक्रिया देत आहेत. एका युजरने लिहिलेय, “अनेकदा इशारा देऊनही लोक धोकादायक ठिकाणी जातात आणि अंघोळ करतात. त्याचाच परिणाम म्हणजे हा अपघात आहे.” दुसऱ्या युजरने लिहिलेय, “निसर्गाशी खेळ करू नये.”