पंजाबचा प्रसिद्ध गायक सिद्धू मुसेवाला याला कोण ओळखत नाही? आज जरी तो आपल्यात नसला तरी त्याची गाणी आजही रसिकांच्या मनावर राज्य करत आहेत. सिद्धू मुसेवाला याची गाणी आजही लोक आवडीने ऐकतात. विशेषत: तरुणांमध्ये त्याच्या गाण्याची एक वेगळी क्रेझ पाहायला मिळते. २९ मे २०२२ रोजी सिद्धू मुसेवाला याची गोळी झाडून हत्या करण्यात आली, ज्यानंतर आजही कधी त्याची गाणी वाजली की, चाहते त्याची आठवण काढताना दिसतात. आता तुम्हाला प्रश्न पडला असेल की आज अचानक आपण सिद्धू मुसेवालाबद्दल का बोलत आहे? तर यामागचे कारण म्हणजे, सेम टू सेम सिद्धू मुसेवालासारखा दिसणाऱ्या एका तरुणाचा व्हिडीओ सध्या सोशल मीडियावर व्हायरल होत आहे. या व्हिडीओवर युजर्सही मजेशीर कमेंट्स करत आहेत.
सेम टू सेम सिद्धी मुसेवालाची कार्बन कॉपी असणाऱ्या या तरुणाचा व्हिडीओ इन्स्टाग्रामवर खूप व्हायरल होत आहे, जो पाहिल्यानंतर तुम्ही काही वेळ गोंधळात पडाल. व्हिडीओमध्ये तुम्ही पाहू शकता की, एका व्यक्तीने पिवळा टी-शर्ट आणि डोक्यावर मरून रंगाची पगडी घातलेली दिसत आहे. पण, त्या व्यक्तीच्या चेहऱ्याकडे पाहून सर्वच जण पूर्णपणे आश्चर्यचकित होत आहेत. त्या व्यक्तीचा चेहरा सिद्धू मुसेवालासारखा दिसतो आहे. हा व्हिडीओ सोशल मीडियावर चांगलाच व्हायरल होत आहे.
हा व्हिडीओ इन्स्टाग्रामवर @ghantaa नावाच्या पेजवरून शेअर करण्यात आला होता. व्हिडीओमध्ये सिद्धू मुसेवालाचा लूक पाहून प्रत्येक जण कमेंट करत आहे. एका युजरने लिहिले की, हा सिद्धू दुसऱ्याचा आहे. आणखी एका युजरने लिहिले की, सिद्धू रागावला आहे. तिसऱ्या युजरने लिहिले की, ५.६ फुटांचा मुसेवाला. चौथ्या युजरने लिहिले की, हा मिशोचा सिद्धू मुसेवाला आहे. पाचव्या युजरने लिहिले की, हे सिद्धू मुसेवालाचे लाइट व्हर्जन आहे.
सिद्धू मुसेवालाची गोळ्या घालून हत्या
प्रसिद्ध पंजाबी गायक सिद्धू मुसेवाला यांची भरदिवसा ३० गोळ्या झाडून हत्या करण्यात आली होती. या हत्येनंतर संपूर्ण देशभर खळबळ उडाली होती. मानसाच्या जवाहरके गावाजवळ मूसेवाला यांच्यावर गोळीबार करण्यात आला. या घटनेनंतर, मुसेवाला याला गंभीर अवस्थेत मानसा येथील रुग्णालयात दाखल करण्यात आले. तेथे उपचारादरम्यान त्यांचा मृत्यू झाला.
सिद्धू मुसेवालाची गाण्याचे लाखो चाहते आहेत. जबरदस्त फॅन फॉलोइंग असलेल्या सिद्धू मुसेवालाची सर्व गाणी हिट झाली आहेत. त्याच्या ‘मेरे ना’ या नव्या गाण्यालाही चांगला प्रतिसाद मिळत आहे. हे गाणे यूट्यूबवर रिलीज होताच रेकॉर्डब्रेक व्ह्यूज मिळाले. रिलीजच्या २५ मिनिटांत याला १.३ दशलक्ष व्ह्यूज मिळाले आहेत.
