चिमुकलीचं धाडस तर पाहा! मगरीचं तोंड प्रेमाने पकडलं अन्…; VIDEO पाहून भरेल धडकी

या व्हिडिओमध्ये एक लहान मुलगी नदीत उभी राहून मगरीला पाळीव प्राण्याप्रमाणे प्रेमाने कुरवाळताना दिसतेय. त्यामुळे लोक तिच्या धाडसाचे कौतुक करतायत.

व्हिडिओमध्ये तुम्ही पाहू शकता, एक लहान मुलगी नदीत उभी आहे, यावेळी अचानक एक मगर तिच्या दिशेने पोहत येते.पाहताना हे दृश्य भयानक वाटते, कारण मगर कधी हल्ला करेल काही सांगता येत नाही. पण आश्चर्याची गोष्ट म्हणजे, यावेळी मुलीच्या चेहऱ्यावर अजिबात भीती दिसत नव्हती, उलट ती मगर येताच प्रेमाने तिचे तोंड पकडते आणि पाठीवरुन हात फिरवू लागते. यावेळी मगर तिच्यावर हल्ला करण्याचं तर दूर जणू काही ते खूप दिवसांनी हरवलेले मित्र पुन्हा भेटल्याप्रमाणे वागत होते.

मगर आणि चिमुकलीचा हा व्हिडिओ megafonodelsureste नावाच्या इन्स्टाग्राम अकाउंटवरुन शेअर करण्यात आला आहे, जो आत्तापर्यंत ७० लाखांहून अधिक वेळा पाहिला गेला आहे, तर १ लाखाहून अधिक लोकांनी लाईक केला आहे आणि अनेकांनी विविध प्रतिक्रिया दिल्या आहेत.

व्हिडिओ पाहून एकाने म्हटले की,असे दिसते की, ही मुलगी काही वेगळीच आहे. दुसऱ्याने म्हटले की, मी एकाच वेळी घाबरलोही आणि चकितही झालो आहे. तिसऱ्याने म्हटले की, या मुलीचे पृथ्वीशी एक वेगळं नात आहे. भीती नाही, फक्त शांत आणि काळजी घेणारी.