Khan Sir Blood Portrait Video: स्पर्धा परीक्षासाठी विद्यार्थ्यांना तयार करणारे खान सर पुन्हा एकदा चर्चेत आहेत. यावेळी त्यांच्या एका विद्यार्थिनीने एका वेगळ्या पद्धतीने दिलेल्या भेटवस्तूमुळे. खान सरांचा एक व्हिडीओ सध्या सोशल मीडियावर व्हायरल होत आहे. व्हिडीओमध्ये खान सर स्वत:चे चित्र हातात धरलेले दिसत आहेत.
व्हिडीओमध्ये एक विद्यार्थीनी भेटवस्तू आणताना दिसत आहे. या व्हिडीओमध्ये असा दावा केला जात आहे की, विद्यार्थिनीने स्वत:च्या रक्ताने हे चित्र तयार केले आहे. त्याने खान सरांना मिशन मॅन ऑफ इंडिया असं म्हटलं आहे. विद्यार्थिनीकडून मिळालेल्या या अनोख्या भेटवस्तूमुळे खान सर आश्चर्यचकित आणि भारावून गेलेले दिसतात.
व्हिडीओमध्ये ते आश्चर्यचकित होताना दिसत आहेत आणि ते म्हणतात की, “तू हे तुझ्या स्वत:च्या रक्ताने बनवले आहेस… अरे देवा, तू किती धोकादायक काम केले आहेस. तू माझा फोटो रक्ताने बनवला आहेस.” यादरम्यान ते वारंवार आश्चर्याने त्या विद्यार्थ्याकडे पाहताना दिसत आहेत.
हा व्हिडीओ सोशल मीडियावर व्हायरल झाल्यानंतर खळबळ उडाली. अनेक युजर्सनी तो शेअर केला आणि खान सरांचे कौतुक केले. विद्यार्थिनीचे तिच्या शिक्षकावरील प्रेम पाहून युजर्सदेखील आश्चर्यचकित झाले. त्यांच्या भावना कमेंट सेक्शनमध्ये दिसून आल्या. एका कमेंटमध्ये लिहिले होते, “हे एका लहान मुलीचे तिच्या शिक्षकावरील प्रेम आहे. खान सर, तुम्ही किती वेळा फक्त एकाच ह्रदयावर विजय मिळवाल?”
खान सर अलिकडेच त्यांच्या लग्नामुळे चर्चेत आले होते. ऑपरेशन सिंदूरच्या वातावरणादरम्यान त्यांनी गुप्तपणे लग्न केले. त्यांनी ऑनलाइन क्लासदरम्यान त्यांच्या विद्यार्थ्यांना त्यांच्या लग्नाची माहिती दिली आणि त्याचा व्हिडीओदेखील व्हायरल झाला होता. खान सरांनी नंतर त्यांच्या विद्यार्थ्यांसाठी आणि इतर मान्यवरांसाठी पाटणामध्ये दोन स्वतंत्र कार्यक्रमांच आयोजन केले. त्यावेळी त्यांची बुरखाधारी वधू चर्चेचा विषय ठरली होती.
