Teacher Dance Viral Video : ‘पतली कमरीया मोरे हाय हाय’ या भोजपुरी गाण्याच्या एका व्हायरल व्हिडीओनं इंटरनेटवर धुमाकूळ घातला आहे. हिंदी गाण्यावर थिरकणाऱ्या अनेकांना तुम्ही सोशल मीडियावर पाहिलं असेल, पण या भोजपुरी गाण्यावर एका शिक्षकाने शाळेतील वर्गात भन्नाट डान्स केला आहे. शिक्षकाचे दिलखेचक ठुमके पाहून वर्गातील सर्व विद्यार्थी या गाण्यावर थिरकताना व्हिडीओत दिसत आहेत. या गाण्यावार शिक्षकाने आणि विद्यार्थ्यांनी केलेल्या भन्नाट डान्सचा व्हिडीओ इंटरनेटवर तुफान व्हायरल झाला आहे. हा व्हिडीओ पाहिल्यानंतर काही नेटकऱ्यांनी संताप व्यक्त केला आहे. गाण्यावर थिरकण्याच्या या कृत्याला काही जणांनी मुर्खपणाचं लक्षण म्हटलं आहे.

अन् शिक्षकासोबत विद्यार्थीही पतली कमरीया गाण्यावर थिरकले

शिक्षक आणि विद्यार्थ्यांच्या डान्सचा हा व्हिडीओ @stormiismykid नावाच्या युजरने ट्विटरवर शेअर केला आहे. “माझा देश बदलत आहे, पुढं चालला आहे.” असं कॅप्शनही या व्हिडीओला देण्यात आलं आहे. व्हिडीओ इंटरनेटवर प्रचंड व्हायरल झाल्याने ४५ हजारांहून अधिक लाईक्स या व्हिडीओला मिळाले आहेत. तर नेटकऱ्यांनी संमिश्र प्रतिक्रियाही दिल्या आहेत. अशा प्रकारची वागणूक शिक्षक आणि विद्यार्थ्यांमधील नातेसंबंध खराब करू शकते, असं काही जणांनी म्हटलं आहे. तर एका ट्विटर युजरने म्हटलं, “या गोष्टींमुळेच शिक्षणाचा दर्जा ढासळत आहे.” अन्य एक नेटकरी म्हणाला, हा बेजबाबदारपणा आहे.” “हे अजिबातच मजेशीर नाहीय,” असंही एकाने प्रतिक्रिया देत म्हटलं. “हे असंच आताचं शिक्षण आहे का?”, अशी प्रतिक्रिया देत नेटकऱ्यांनी व्हिडीओ बनवणाऱ्याला चांगलच धारेवर धरलं.

आणखी वाचा
teacher dancing viral video
VIDEO : भरवर्गात शिक्षिकेचा विद्यार्थ्यांसह ‘कजरा रे’ डान्स; चेहऱ्यावरचा ‘तो’ भाव पाहून लोक म्हणतात, पुन्हा शाळेत जायचंय!
teacher demanded physical relations after seeing student alone in classroom
नागपूर : वर्गात एकट्या विद्यार्थिनीला पाहून शिक्षकाने…
students draw class teacher sketch funny video
निरागस चिमुकल्यांनी काढले शिक्षिकेचे चित्र, विद्यार्थ्यांचा व्हिडीओ पाहून पोट धरून हसाल
Centers for training of medical teachers are insufficient in the state
राज्यात वैद्यकीय शिक्षकांच्या प्रशिक्षणासाठी केंद्र अपुरे; वैद्यकीय शिक्षक संघटना म्हणते…

इथे पाहा व्हिडीओ

रस्त्यावरून दुचाकी चालवताना एका तरुणीने सीटवर उभं राहून ‘पतली कमरीया मोरे’ याच भोजपुरी गाण्यावर डान्स केला होता. बाईकवर स्टंटबाजी करून भन्नाट डान्स करण्याचा प्रयत्न एका तरुणीने केला होता. तसंच रस्त्यावरून येणाऱ्या दुचाकीस्वारांनीही डान्स करण्याचा आनंद लुटला होता. तरुणीनं खूप मोठा धोका पत्कारून बाईकवर डान्स केला आणि व्हिडीओ बनवला. हा व्हिडीओ व्हायरल झाल्यानंतरही नेटकऱ्यांनी संमिश्र प्रतिक्रिया दिल्या होत्या. एका नेटकऱ्याने म्हटलं, अप्रतिम, “तू खूप मस्त डान्स करत आहे.” तर दुसरा नेटकरी म्हणाला होता, हा मुर्खपणा आहे आणि धोक्याची सवारी आहे.”