Teacher Dance Video : शाळेत शिकण्याव्यतिरिक्त विद्यार्थ्यांच्या आनंदाचाही विचार केला जातो. यासाठी प्रत्येक शाळेत दरवर्षी स्नेहसंमेलनाचे आयोजन केले जाते. या स्नेहसंमेलनात विद्यार्थ्यांना मनसोक्त नाचता येते आपल्या विविध कला सादर करता येतात. सध्या सोशल मीडियावर अशाच एका शाळेतील स्नेहसंमेलन कार्यक्रमाचा व्हिडीओ व्हायरल होतोय. ज्यात एक शिक्षिका विद्यार्थ्यांसह स्टेजवर जबरदस्त डान्स करताना दिसतेय. शिक्षिकेचा हा डान्स सध्या चर्चेचा विषय बनला आहे.
व्हिडीओमध्ये शिक्षिका प्रभू देवाचा ”मुकाबला- मुकाबला” या गाण्यावर कमाल डान्स करताना दिसतेय. तिच्या या जबरदस्त डान्सने आता सोशल मीडियावर सर्वांचेच लक्ष वेधून घेतले आहे. विशेष म्हणजे शिक्षिकेने चक्क साडी परिधान करुन हा भन्नाट डान्स केलाय.
शिक्षिका मुकाबला गाण्यावर जबरदस्त डान्स
व्हिडीओमध्ये पाहू शकता, शाळेचे वार्षिक स्नेहसंमेलन सुरु आहे. यावेळी एक शिक्षिका ”मुकाबला” गाणं वाजताच पूर्ण उत्साहाने डान्स करु लागते. साडी नेसूनही ती प्रत्येक स्टेप एकदम परफेक्ट करतेय. प्रभू देवाच्या कठीण स्टेप्सही तिने अशा सहजतेने केल्यात जे पाहून उपस्थितही चकित झाले. शिक्षिकेचे डान्स करताना तिचे हास्य, तिचे हावभाव आणि तिची देहबोली यांने संपूर्ण वातावरणात आनंदून गेले.
शिक्षिकेचा जबरदस्त डान्स पाहून समोर बसलेले विद्यार्थी देखील टाळ्या, शिट्ट्या वाजून दाद देत होते. प्रत्येकजण तिच्या परफॉर्मन्सची मनापासून प्रशंसा करत होता, हे स्पष्ट दिसत होते. या व्हिडीओला आता सोशल मीडियावर तुफान प्रतिसाद मिळतोय.
अनेक युजर्सनी तिची प्रशंसा करत म्हटले की, तिने व्यावसायिक डान्सरलाही मागे टाकले आहे. काहींनी तिची एनर्जी आणि आत्मविश्वास प्रेरणादायी असल्याचे म्हटले, तर काहींच्या मते असे व्हिडिओ समाजात सकारात्मक संदेश पसरवत आहे. विशेषतः प्रभावी गोष्ट ही आहे की, एका शिक्षिकेची ही बाजू पाहून लोक अधिकच प्रभावित झाले, कारण सामान्यतः शिक्षकांना केवळ शिकवण्यापुरतेच मर्यादित मानले जाते.
