VIDEO: मुख्याध्यापक होण्यासाठी शिक्षकांमध्ये जुंपली; अधिकाऱ्यांसमोर केली तुंबळ हाणामारी!

मुख्याध्यापक पदासाठी दोन व्यक्तींनी तुंबळ हाणामारी केल्याचं प्रकरण समोर आलंय.

fight

मुख्याध्यापक पदासाठी दोन व्यक्तींनी तुंबळ हाणामारी केल्याचं प्रकरण समोर आलंय. बिहारच्या चंपारण जिल्ह्यामध्ये ही घटना घडली आहे. हाणामारी करणाऱ्या दोघांपैकी एक जण शिक्षक आहे, तर दुसरा शिक्षिकेचा पती आहे. या दोघांनी मोतीहारी येथील राज्य शिक्षण विभागाच्या कार्यालयात शिक्षणाधिकाऱ्यांसमोरच राडा घातला. दोघांच्या हाणामारीचा हा व्हिडीओ सोशल मीडियावर चांगलाच व्हायरल झाला आहे.

दोघांपैकी एक जण शिक्षक असून त्याचं नाव शिवशंकर गिरी आहे. तर, त्याच्यासोबत हाणामारी करणारी दुसरी व्यक्ती हा शिवशंकर गिरी यांच्या प्रतिस्पर्धी रिंकी कुमारीचा पती आहे. शिवशंकर गिरी आणि रिंकी कुमारी दोघेही आदापूरच्या प्राथमिक शाळेत शिक्षक असून दोघांनाही मुख्याध्यापक पद हवंय. शिक्षण कार्यालयातील कर्मचाऱ्यांनी दिलेल्या माहितीनुसार हे दोघंही शिक्षक मुख्याध्यापक पदासाठी गेल्या तीन महिन्यांपासून भांडत आहेत.  पदासाठी कोण वरिष्ठ आणि अधिक पात्र आहे, यावरून दोघांमध्ये जोरदार वाद सुरू होता.

याच दरम्यान, जिल्हा शिक्षण विभागाने शिवशंकर गिरी आणि रिंकी कुमारी या दोघांना त्यांच्या शिक्षण आणि पात्रतेची कागदपत्रे तीन दिवसात सादर करण्याचे आदेश दिले. त्यातही आधी कोण कागदपत्रे सादर करणार यावरूनही दोन्ही शिक्षकांमध्ये भांडण झाले. त्याची सुरुवात एकमेकांना शिवीगाळ करण्यापासून झाली. त्यानंतर प्रकरण हाणामारीपर्यंत पोहोचलं. यावेळी रिंकी कुमारीच्या पतीने गिरीला जमिनीवर पाडून मारलं. तर, घटनास्थळी उपस्थित कर्मचाऱ्यांनी दोघांचं भांडण थांबवण्याचा प्रयत्न केल्याचं व्हिडीओमध्ये दिसतंय.

गटशिक्षणाधिकारी हरिओम सिंह हे देखील तिथे उपस्थित होते. त्यामुळे “अचानक जे काही घडलं याची आम्ही चौकशी करत आहोत,” असं सिंह यांनी सांगितलं. तर, भांडणाचा हा व्हिडीओ सोशल मीडियावर तुफान व्हायरल झाला आहे. तर एका पदासाठी माणूस जागेचं भान न ठेवता हाणामारी करू शकतो, अशा प्रतिक्रिया नेटकऱ्यांनी या व्हिडीओवर दिल्या आहेत.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व ट्रेंडिंग बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Teachers free style fighting over school principals post in bihar hrc

Next Story
VIDEO: अस्वच्छ खोली १५ मिनिटांत चकाचक
ताज्या बातम्या