scorecardresearch

युक्रेनमधून ८०० भारतीयांना सुखरूप आणून रातोरात स्टार झाली ‘ही’ पायलट; जाणून घ्या कोण आहे ती

रशिया आणि युक्रेनच्या युद्धादरम्यान, एक २४ वर्षीय भारतीय पायलट सध्या चर्चेत आहे. तिने युक्रेनच्या पोलिश आणि हंगेरियन सीमाभागात अडकलेल्या ८००हून अधिक भारतीय विद्यार्थ्यांना सुखरूप भारतात परत आणले आहे.

तिने युक्रेनच्या पोलिश आणि हंगेरियन सीमाभागात अडकलेल्या ८००हून अधिक भारतीय विद्यार्थ्यांना सुखरूप भारतात परत आणले आहे. (Photo : Twitter/ @BJPMahilaMorcha)

रशिया आणि युक्रेनच्या युद्धादरम्यान, एक २४ वर्षीय भारतीय पायलट सध्या चर्चेत आहे. तिने युक्रेनच्या पोलिश आणि हंगेरियन सीमाभागात अडकलेल्या ८००हून अधिक भारतीय विद्यार्थ्यांना सुखरूप भारतात परत आणले आहे. इंडिया डॉट कॉमच्या बातमीनुसार, ‘ऑपरेशन गंगा’ ची सदस्य असलेल्या महाश्वेता चक्रवर्ती नावाच्या कोलकाता-स्थित वैमानिकाने युद्धग्रस्त युक्रेनमध्ये अडकलेल्या ८०० हून अधिक भारतीय विद्यार्थ्यांना वाचवण्यासाठी २७ फेब्रुवारी ते ७ मार्च दरम्यान सहा उड्डाणे केली.

महाश्वेताने सहापैकी पोलंडमधून चार आणि हंगेरीतून दोन उड्डाण केले. यादरम्यान या तरुण पायलटचे खूप कौतुक करण्यात आले. भारतीय महिला मोर्चाच्या अधिकृत ट्विटर अकाऊंटवरून एक ट्विट करण्यात आले आहे, यामध्ये महाश्वेताचे कौतुक करण्यात आले आहे. या ट्विटच्या कॅप्शनमध्ये म्हटलंय, “कोलकाता येथील २४ वर्षीय पायलट महाश्वेता चक्रवर्ती यांनी युक्रेन, पोलंड आणि हंगेरीच्या सीमेवरून ८०० हून अधिक भारतीय विद्यार्थ्यांची सुटका केली. त्याच्याबद्दल प्रचंड आदर”

Video : इच्छेविरुद्ध वेश्या व्यवसायात अडकलेल्या मुलींना आधार देणाऱ्या त्रिवेणी आचार्य । गोष्ट असामान्यांची: भाग १९

पुतिन यांच्या त्या एका निर्णयामुळे तरुणीच्या अश्रूंचा बांध फुटला; धाय मोकलून रडतानाचा व्हिडीओ व्हायरल

विशेष म्हणजे, महाश्वेता ही भारतीय जनता पार्टी पश्चिम बंगाल महिला मोर्चाच्या अध्यक्षा तनुजा चक्रवर्ती यांची मुलगी आहे. इंदिरा गांधी राष्ट्रीय उरण अकादमीची पदवीधर असलेली महाश्वेता गेल्या चार वर्षांपासून खाजगी कंपनीमधून उड्डाण करत आहे. कोविड १९च्या सुरुवातीच्या टप्प्यात ती वंदे भारत मिशनचाही एक भाग होती.

महाश्वेताने माध्यमांना सांगितले, “रात्री उशिरा एक फोन आला आणि सांगण्यात आले की माझी बचावासाठी निवड झाली आहे. मी त्याच्या लढाऊ भावनेला सलाम करते आणि त्याच्या मायदेशी परतीच्या प्रवासात माझी भूमिका बजावताना मला खूप अभिमान वाटतो.” ऑक्सिलियम कॉन्व्हेंट स्कूलची विद्यार्थिनी महाश्वेता चक्रवर्ती ही तिच्या आई-वडिलांची एकुलती एक मुलगी असून तिला नेहमीच पायलट व्हायचे होते.

मराठीतील सर्व ट्रेंडिंग ( Trending ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: The pilot became a star overnight after bringing 800 indians safely from ukraine find out who she is pvp