आपण अनेक अशा मुलांना पाहिलं आहे जी वर्षभर अभ्यास करत नाहीत. शाळेत काय शिकवतात त्याकडे दुर्लक्ष करतात आणि ऐन परीक्षेच्या काळात स्वत:ची फजिती करुन घेतात. सध्या अशाच एका मुलाने लिहलेल्या पेपरचा व्हिडीओ व्हायरल होत आहे. तो पाहिल्यावर तुम्हाला हसू आवरणार नाही. शाळेत दोन प्रकारची मुलं असतात एक जे वर्षभर मनापासून अभ्यास करतात तर दुसरे अभ्यास सोडून बाकीचे सगळे उद्योग करत असतात. त्यामुळे साहजिकच वर्षभर अभ्यास करणारे विद्यार्थी परीक्षेच्या काळात चांगला पेपर लिहून चांगले गुण मिळवतात. मात्र, अभ्यास न केलेल्या विद्यार्थ्यांना पेपर पाहून त्यामध्ये लिहायचं काय? असा प्रश्न पडतो. त्यामुळे मग ते परीक्षेत पास होण्यासाठी कॉपी करतात. तर कधी पेपरमध्ये काहीही थापा लिहितात. हेही पाहा- Video: डोक्यावर चार गोळ्या लागूनही कुत्रीचा जीव वाचला, जाणून घ्या नेमकं काय घडलं? सध्या असाच एक व्हिडिओ सोशल मीडियावर व्हायरल होत आहे. ज्यामध्ये एका विद्यार्थ्याने फिजिक्सच्या पेपरमध्ये उत्तराऐवजी चक्क गाणी लिहिल्याचा प्रकार उघडकीस आला आहे. व्हायरल होत असलेला उत्तरपत्रिकेचा व्हिडिओ पाकिस्तानातील कराची येथील असल्याची माहिती समोर आली आहे. हा व्हिडिओ पाकिस्तानी गायक अली जफरने त्याच्या अधिकृत ट्विटर अकाऊंटवरुन शेअर केला आहे. व्हिडिओमध्ये शिक्षक विद्यार्थ्याने लिहिलेला फिजिक्सचा पेपर दाखवताना दिसत आहेच. ज्यामध्ये ते सांगत आहेत की, कराची बोर्डाच्या एका विद्यार्थ्याने पेपरमध्ये उत्तराऐवजी गाणी लिहिली आहेत. शिवाय ते या व्हिडीओमध्ये सर्व पेपर उलघडून दाखवत आहेत. विद्यार्थी पेपर तपासणाऱ्यांना आंधळा समजतो असंही शिक्षक व्हिडीओत म्हणत आहेत. हेही पाहा- रिक्षाचालकाने चक्क दोन चाकांवरच पळवली रिक्षा, घटनेचा थरारक Video होतोय व्हायरल व्हिडीओत, पेपरमध्ये विद्यार्थ्याने लिहिलं आहे की, 'शपथ की मी खूप धोकादायक पेपर दिला आहे'. शिवाय त्याने पुढे उत्तराच्या जागी अली जफरचं गाणी पेपरमध्ये लिहिली आहेत. हे पाहून खुद्द अली जफरही आश्चर्यचकित झाला आहे. त्याने हा व्हिडिओ शेअर करताना लिहिलं आहे की, विद्यार्थ्यांनी गाण्यांवर जास्त लक्ष देण्याऐवजी अभ्यासावर लक्ष केंद्रित करायला पाहिजे.' नेटकऱ्यांना आवडला व्हिडीओ - https://twitter.com/AliZafarsays/status/1607722908364816385?s=20&t=0BgRhH19Wj89DTtI6c2VOA दरम्यान, हा व्हिडीओ सध्या सोशल मीडियावर मोठ्या प्रमाणात व्हायरल होत असून नेटकऱ्यांना तो आवडला आहे. आतापर्यंत हा व्हिडीओ ६८ हजारांहून अधिक लोकांनी पाहिला आहे. तर अनेकांनी कमेंट बॉक्समध्ये मजेशीर प्रतिक्रिया दिल्या आहेत. एका नेटकऱ्याने अली जफरला, 'आता तुच, न्यूटनचे तीन नियम, भौतिकशास्त्राच्या नियमांची गाणी बनव आणि ती गायची जबाबदारी घे' असं म्हटलं आहे.
