दुर्मिळ आजाराने त्रस्त असलेल्या मुलीला ‘या’ कंपनीने केली १६ कोटींची मदत

२३ महिन्यांची सृष्टी ही चिमुकली दुर्मिळ आजाराशी लढा देत आहे. तिच्यावर दिल्लीतील एम्समध्ये उपचार सुरू आहेत.

23-month-old Srishti
या आजारावर उपचार करण्यासाठी अमेरिकेने मंजूर केलेले एकच इंजेक्शन आहे

दुर्मिळ आजाराशी लढा देत असलेल्या २३ महिन्यांच्या सृष्टीच्या उपचाराचा मार्ग मोकळा झाला आहे. एसईसीएल (SECL) कर्मचाऱ्याच्या मुलीला वाचवण्यासाठी कोल इंडियाने १६ कोटी रुपयांच्या इंजेक्शनला मंजुरी दिली आहे. या संदर्भातील स्वीकृती पत्र बुधवारी एसईसीएलच्या मुख्यालयात पोहोचले आहे. ओव्हरमॅन सतीश कुमार रवी यांची मुलगी सृष्टी ही एसईसीएलच्या कोरबा येथील दिपका भागात स्पायनल मस्कुलर ऍट्रोफी टाइप-२ या दुर्मिळ आजाराने ग्रस्त आहे.

सृष्टीवर दिल्लीतील एम्समध्ये उपचार सुरू आहेत. या आजारावर उपचार करण्यासाठी अमेरिकेने मंजूर केलेले एकच इंजेक्शन आहे. त्याच वेळी, या इंजेक्शनची प्रभावीता आणि सुरक्षितता संबंधित पुरेसा डेटा नाही. या इंजेक्शनसाठी भारत सरकारच्या मंजुरीचीही प्रतीक्षा आहे. औषधाची किंमत १६ कोटी रुपये आहे. अनेक प्रयत्न करूनही, एसईसीएल कर्मचाऱ्याचे कुटुंब आणि स्वयंसेवी संस्था आवश्यक रक्कम जमा करू शकल्या नाहीत.

( हे ही वाचा: Video: “मॅन ऑफ द मॅच आम्हा पटेलांमध्येच राहील असे दिसते!” – हर्षल पटेल )

उपचाराच्या मदतीसाठी एसईसीएल व्यवस्थापनाला पत्र लिहिले होते. यावर एसईसीएलने पुढाकार घेत यासंदर्भात कोल इंडियाकडे परवानगी मागितली. एसईसीएलच्या प्रस्तावाला कोल इंडियाचे अध्यक्ष प्रमोद अग्रवाल यांनी बुधवारी मंजुरी दिली आहे. यानंतर निष्पापांवर उपचाराचा मार्ग मोकळा झाला आहे. एसईसीएलच्या पुढाकाराने लवकरच सृष्टीवर परदेशातून इंजेक्शन मागवून उपचार केले जातील. यासाठी स्वयंसेवी संस्थेचे मनीष राय यांनीही प्रयत्न केले होते.

( हे ही वाचा: Viral Video: कर्णधार रोहित शर्माने सिराजला का मारलं?; डगआऊटमधील एक क्षण कैमेऱ्यात कैद )

एसईसीएलने यापूर्वीही दुर्मिळ आजारांसाठी केली आहे मदत

यापूर्वी, एसईसीएलने दुर्मिळ आजारांसाठीही मदत केली आहे. या प्रकरणात, औषधाला भारत सरकारची मान्यता नसल्याने तांत्रिक अडचणी आल्या. त्यामुळे सरकारी संस्थांकडून मदत मिळत नव्हती. त्याचवेळी एसईसीएलच्या अधिकाऱ्यांनी या प्रकरणात पुढाकार घेत कोल इंडियाकडून रक्कम मंजूर करण्याचा प्रस्ताव पाठवला होता.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व ट्रेंडिंग बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: This company provides rs 16 crore to a girl suffering from a rare disease ttg

Next Story
…म्हणून हे छायाचित्र इंटनरनेटवर ठरतयं प्रचंड लोकप्रियThis One Photo Sums Up the Difference Between the Generations , viral photo, The internet loves this photo , Loksatta, loksatta news, Marathi, Marathi news
ताज्या बातम्या