Viral Video : सुसाट गाड्यांमुळे कुत्र्याला ओलांडता येत नव्हता रस्ता, तेवढ्यात गेलं ट्रॅफिक पोलिसाचं लक्ष आणि…

ट्रॅफिक पोलिसाने कुत्र्यासाठी दाखवलेला दयाळूपणा नेटकऱ्यांना भावला

सोशल मीडियावर प्राण्यांचे व्हिडिओ मोठ्या प्रमाणात व्हायरल होत असतात, आणि नेटकऱ्यांच्या ते पसंतीसही उतरतात. सध्या एका भटक्या कुत्र्याचा आणि ट्रॅफिक पोलिसाचा एक व्हिडिओ चांगलाच व्हायरल झाला आहे.

व्हायरल व्हिडिओमध्ये एक भटका कुत्रा रस्ता ओलांडण्याचा प्रयत्न करताना दिसतोय. पण रस्त्यावर वाहनांची सतत वर्दळ असल्याने त्याला रस्ता पार करता येत नाही. बराच वेळ उभं राहून कुत्रा वारंवार रस्ता ओलांडण्याचा प्रयत्न करतो, पण गर्दीमुळे त्याला ते शक्य होत नाही. तेवढ्यात जवळ असलेल्या एका ट्रॅफिक पोलिसाचं लक्ष या कुत्र्याकडे जातं, आणि स्वतःचं कर्तव्य लक्षात घेऊन हा पोलीस त्या कुत्र्याला रस्ता ओलांडता यावा यासाठी रस्त्यावरील सर्व ट्र्रॅफिक थांबवतो. ट्रॅफिक थांबल्यानंतर गाड्यांच्या समोर येऊन मागच्या हाताने कुत्र्याला रस्ता पार करण्याचा इशारा करताना हा पोलीस व्हिडिओमध्ये दिसत आहे.


ट्रॅफिक पोलिसाने कुत्र्यासाठी दाखवलेला दयाळूपणा नेटकऱ्यांना चांगलाच भावला असून हा व्हिडिओ मोठ्या प्रमाणात व्हायरल होत आहे. काही युजर्सनी हा व्हिडिओ मुंबईचा तर काहींनी तामिळनाडूचा असल्याचं म्हटलं आहे. पण हा व्हिडिओ नेमका कुठला आणि कधीचा आहे हे अद्याप समजू शकलेलं नाही.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व ट्रेंडिंग बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Traffic cop stop cars to help dog cross a busy road video goes viral sas

Next Story
VIDEO: अस्वच्छ खोली १५ मिनिटांत चकाचक
ताज्या बातम्या