scorecardresearch

Video: जुनी कार चालवणं जोडप्याच्या अंगलट, रागवलेल्या पोलिसांनी महिलेला काच फोडून बाहेर खेचलं अन्…

व्हिडिओमध्ये पोलिस कर्मचारी गाडीची काच फोडून महिलेला बाहेर काढताना दिसत आहेत

Video: जुनी कार चालवणं जोडप्याच्या अंगलट, रागवलेल्या पोलिसांनी महिलेला काच फोडून बाहेर खेचलं अन्…
सोशल मीडियावर वाहतूक पोलिसांनी एका महिलेशी केलेल्या अनोख्या वर्तनाचा व्हिडीओ व्हायरल होत आहे. (Photo : Twitter)

सध्या सोशल मीडियावर वाहतूक पोलिसांनी एका महिलेशी केलेल्या अनोख्या वर्तनाचा व्हिडीओ मोठ्या प्रमाणात व्हायरल होत आहे. व्हायरल होत असलेल्या व्हिडीओतील पोलिसांच्या कृतीचं अनेकांनी समर्थन केलं आहे तर काही लोकांनी निषेध केला आगे. खरंतर वाहतूकीचे नियम वाहनचालकांच्या सुरक्षेसाठी बनवलेले असतात. वाहनचालकांनी वाहतूक विभागाने घालून दिलेल्या नियमांचे पालन केलं तर त्यांचे अपघातापासून संरक्षण होते. त्यामुळे वाहतूक पोलिस सतत आपल्याकडून या नियमांचे पालन करुन घेत असतात. मात्र, काहीजण पोलिसांनी सांगितलेल्या नियमांचे पालन करत नाहीत.

पोलिस आणि वाहनचालकांमधील वादाचे अनेक व्हिडीओ सोशल मीडियावर व्हायरल होत असतात. सध्या असाच एक व्हिडीओ व्हायरल होत आहे. तो पाहून अनेकांना आश्चर्याचा धक्का बसला आहे. कारण एका महिलीने पोलिसांनी सांगूनही आपल्या कारचा दरवाचा उघडला नाही म्हणून पोलिसांनी असं काही केलं जे पाहून अनेकांना धक्का बसला आहे. व्हायरल होणारा हा व्हिडीओ ऑस्ट्रेलिया पोलिसांचा आहे. व्हिडिओमध्ये ऑस्ट्रेलियन पोलिस कर्मचारी रस्त्यावर गाडी चालवणाऱ्या महिलेला कारमधून बाहेर काढताना दिसत आहेत. मात्र ते या महिलेला बाहेर काढण्यासाठी पोलिसांनी चक्क कारच्या खिडकीची काच फोडली आहे.

हेही पाहा- ब्रेकऐवजी एक्सलेटरवर पाय ठेवल्यामुळे महिलेवर ओढावलं संकट, अपघाताचा Video होतोय व्हायरल

मिळालेल्या माहितीनुसार, ऑस्ट्रेलियाच्या न्यू साउथ वेल्स पोलिसांनी एका जोडप्याला जुनी कार चालवल्याप्रकरणी अटक केली आहे. व्हिडिओमध्ये पोलिस कर्मचारी गाडीची काच फोडून महिलेला बाहेर काढताना दिसत आहेत. जुनी कार चालवणे, पोलिसांना उडवाउडवीची उत्तरे देणे आणि उद्धट वर्तन केल्याचे आरोप या पती-पत्नीवर करण्यात आले आहेत.

हेही पाहा- वॉश बेसिनमध्ये बसून भांडी धुणाऱ्या वानराचा Video व्हायरल; पुरुषांना होतेय लॉकडाऊनची आठवण

स्थानिक माध्यमांनी दिलेल्या माहितीनुसार, या प्रकरणी न्यू साउथ वेल्स पोलिसांनी सांगितलं की, पेट्रोलिंग करताना त्यांना रस्त्यावर एक जोडपे, जुलै २०२२ मध्ये नोंदणीची मुदत संपलेली कार चालवत असल्याचे आढळले. यावेळी पोलिसांनी महिलेला ब्रेथ टेस्ट करण्यास सांगितले. मात्र तिने ती टेस्ट करण्यास नकार दिल्यामुळे पोलिसांनी त्यांना अटक केली. @KenBerhan नावाच्या ट्विटर अकाऊंटवरून हा व्हिडिओ शेअर करण्यात आला असून तो सध्या मोठ्या प्रमाणात व्हायरल होत आहे. तर या व्हिडिओवर नेटकऱ्यांच्या वेगवेगळ्या प्रतिक्रिया येत आहेत.

मराठीतील सर्व ट्रेंडिंग ( Trending ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 20-01-2023 at 13:24 IST

संबंधित बातम्या