Premium

‘तुझा फु, माझा फु…’ कोकणामध्ये गणेशोत्सवात रंगली महिलांच्या फुगडीची जुगलबंदी; पाहा मजेशीर Video

Konkan Fugadi Video : कोकणात गणेशोत्सवात फुगड्या खेळण्याची ही पारंपारिक पद्धत आजही अनेक कोकणी महिला प्रेमाने जपत आहेत.

Konkan Traditional fugadi video viral
कोकणात गणेशोत्सवात रंगली महिलांच्या फुगडीची जुगलबंदी (फोटो – chef_pratham_chavanand auspicious_designer_18 instagram)

कोकणात दरवर्षी गणेशोत्सवात एक मोठा उत्साह पाहायला मिळतोय. कोकणातील अनेक वाडी-वस्त्यांमध्ये गणरायाच्या आगमनानंतर नमन, भजन, फुगडी, जाखडी नृत्य आणि शक्ती-तुरा यांसारख्या सांस्कृतिक कलांचे सादरीकरण केले जाते. सिंधुदुर्ग जिल्ह्यातही बहुतांश गावांमध्ये मोठ्या प्रमाणात भजन, फुगड्या, आरत्यांचे सूर ऐकायला मिळतात. यावेळी गौराईच्या आगमनानंतर महिला, तरुणी एकत्र येत पारंपरिक गाणी म्हणत फुगड्या खेळण्याचा आनंद घेताना दिसतात. अशाच प्रकारे कोकणातील महिलांच्या फुगडीच्या जुगलबंदीचा एक व्हिडीओ सोशल मीडियावर तुफान व्हायरल होत आहे; ज्यामध्ये दोन महिला फुगड्या खेळण्याचा आनंद घेताना दिसत आहेत. त्यातून कोकणातील महिला पारंपरिक पद्धतीने फुगडी खेळण्याची शेकडो वर्षांची परंपरा आजही नव्या पिढीच्या काळात जोपासत असल्याचे दिसून येत आहे.

या बातमीसह सर्व प्रीमियम कंटेंट वाचण्यासाठी साइन-इन करा

गणेशोत्सवानिमित्त लाखो चाकरमानी आपला कामधंदा बाजूला ठेवत कोकणातील आपल्या मूळ गावी दाखल होतात. गणपती बाप्पाच्या आगमनानंतर सहा दिवस उत्साह अन् भक्तिभावाने देवाची पूजा-अर्चा करतात. या काळात अनेक कोकणवासीय रात्र जागवत बाप्पाची आरती, भजन सादर करीत आशीर्वाद मागतात. यावेळी गौराईच्या आगमनानंतर महिलासुद्धा रात्र जागवत फुगड्या खेळण्याचा आनंद घेतात. यावेळी अनेक पारंपरिक गाणी म्हटली जातात. याचदरम्यान महिलांच्या फुगड्यांची जुगलबंदी म्हणजे एक प्रकारे थोडक्यात मजेशीर भांडण करण्याचाही एक प्रकार महिला सादर करताना दिसतात. विशेषत: सिंधुदुर्गातील मालवण, देवगड भागातील महिला फुगडी जुगलबंदी खेळताना दिसतात.

मराठीतील सर्व ट्रेंडिंग बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Tujo zhil kay go fu womens fugadi battle at ganeshotsav in konkan watch konkan traditional fugadi video sjr

First published on: 30-09-2023 at 19:06 IST
Next Story
Jugaad Video : पाकिस्तानची उतरती कळा सुरु; इंधनाच्या दरात पुन्हा वाढ, तरुणांनी तयार केली पेट्रोल शिवाय चालणारी ही ‘जुगाडू गाडी’