Two Giant Monitor Lizards Battle video: सोशल मीडियावर प्राण्यांचे अेक व्हिडीओ व्हायरल होत असताता. अशातच आता दोन घोरपडीच्या लढाईचा व्हिडीओ जोरदार व्हायरल होतोय. घोरपड हा सरपटणाऱ्या प्राण्यांपैकी एक पाल, सारडा, यांच्या प्रवर्गातील प्राणी आहे. तर घोरपड ही सापा प्रमाणे आपली कातडी सोडत असते. मराठीमधे घोरपड तर इंग्लिश मध्ये मॉनिटर असे म्हणतात तर व्हॅरॅनस बेंगॉलेन्सिस ही घोरपडीची जात भारतात जवळजवळ सर्वत्र आढळते. घोरपड ही अंगाने तशी जाड कातडीची असते, या प्राण्याला उष्ण आणि ओलसर हवा मानवते त्यामुळे हा प्राणी नदी नाल्यांच्या परिसरात राहतो.घोपड ज्या प्रकारे व्हिडिओत भांडत आहेत ते पाहून अनेकांना ती फाइट WWE फाइट असल्यासारखीच वाटली.
मॉनिटर लिझर्ड हा प्राणी किती खतरनाक आहे, हे वेगळं सांगायला नकोच.हा व्हिडीओ राजस्थानमधील सवाई माधोपुर येथील आहे. जंगलात दोन लिझर्ड एकमेकांशी भांडताना दिसतात. आता दोघांनाही एकमेकांच्या शक्तीचा अंदाज असल्यामुळे ते फारच सावधपणे लढत आहेत.दोघीही एकमेकांकडे बघत होत्या आणि तितक्यात एकमेकींची मन पकडत एकीने दुसरीला जमिनीवर आपटलं. हे दृश्य अक्षरशः WWE फाइट सारखे दिसून येत होते ज्यात दोन घोरपडी लढत आहेत. या व्हिडीओमध्ये तुम्ही पाहू शकता, ही लढाई जणू दोन पैलवान आखाड्यात कुस्ती खेळत असल्यासारखी वाटतेय. दोघंही एकमेकांना उचलून खाली फेकत आहेत, पाय पकडत आहेत, आणि पैलवान जसा डाव टाकतो तसा डाव टाकत आहेत. बराच काळ त्यांच्यात हे युद्ध सुरु असतं आणि व्हिडिओच्या शेवट्पर्यंत त्या एकमेकांना काही सोडताना दिसून येत नाहीत.
पाहा व्हिडीओ
माहितीनुसार, घोरपड्यांची ही लढत पाहून काहींनी वन विभागाला याची माहिती दिली मात्र वन विभाग घटनास्थळी पोहचेल याच्या आधीच दोन्ही घोरपडी तेथून पळून जंगलात निघून गेल्या. घोरपड तिच्‍या नखांनी खडकाळ कठिण भागास घट्ट धरून राहू शकते. म्हणून पूर्वीच्‍या काळी किल्ल्यांवर, अथवा उंच भूस्‍तरांवर चढताना घोरपडीच्या कमरेस दोर बांधून तिचा चढाईसाठी उपयोग करून घेत. हिच्या पायाच्या नख्यांमुळे ही कुठेल्याही भिंतीवर दगड आणि डोंगर, कड्या कपाऱ्यातून सहज रित्या चढू शकते आणि याचा उपयोग त्या काळी शिवाजी महाराजांच्या मावळ्यांना झाला होता. तान्हाजी मालुसरे यांनी सुद्धा हिचे नाव यशवंती असे ठेवले होते त्याचप्रमाणे ते हिच्या मदतीने सिंहगड चढले होते.
