मागच्या आठ दिवसांपासून रशिया आणि युक्रेन यांच्यादरम्यान युद्ध सुरू आहे. या युद्धाचे अनेक हादरवून टाकणारे व्हिडीओ आपण पाहत आहोत. अनेक ठिकाणी रशियन सैन्याला रोखण्यासाठी युक्रेनच्या निशस्त्र नागरिक त्यांना भिडताना दिसताहेत. काही जणांनी तर रशियन लष्कराला रोखण्यासाठी स्वतःच्या जीवाची देखील पर्वा केली नाही. युक्रेनमधून सतत हृदय पिळवटून टाकणाऱ्या बातम्या आणि व्हिडीओ येत आहेत. अशातच काही युक्रेनियन रशियन टँकवर बसून त्याचा आनंद घेतानाचा एक व्हिडीओ व्हायरल झाला आहे. Russia-Ukraine War : युक्रेनच्या शेतकऱ्यांनी जाळला करोडोंचा रशियन टँक! Video Viral या २४ सेकंदाच्या व्हिडीओमध्ये काही पुरुष रशियन टँकवर बसून हाय-स्पीड राइडसाठी जाताना दिसत आहेत. यावेळी ते टँकवर बसून जल्लोष देखील करत आहेत. त्यापैकी एक ज्याने हे सगळं फोनवर रेकॉर्ड केलंय तो त्यांच्या भाषेत “आम्ही करून दाखवलं” आणि “युक्रेनचा गौरव” असं जोरात ओरडत आहे. तो हे बोलत असताना त्याचे मित्र हसतात आणि जल्लोष करतात. व्हिडीओमध्ये रशियन लष्कराचा टँक ज्याला आर्मर्ड बॅटल टँक म्हणून ओळखलं जातं ते दिसतंय. खार्किवमधील बर्फाच्छादित शेतातून ही टँक हे नागरिक चालवताना दिसत आहेत. दरम्यान, अनेक युक्रेनियन लोकांनी शस्त्रे आणि वाहने सोडून पळून गेलेल्या रशियन सैनिकांचे व्हिडीओ आणि फोटो पोस्ट करत आहेत.
