वंदे भारत ट्रेनचा प्रवासादरम्यान एका प्रवाशाला सांभरात किडे आढळून आल्याने त्याला त्रास झाला. तिरुनेलवेली ते चेन्नई या मार्गावर ही घटना घडली आणि दूषित जेवणाचे व्हिज्युअल सोशल मीडियावर शेअर केल्यानंतर नेटकऱ्यांमध्ये संतापाची लाट पसरली होती.
व्हिडिओमध्ये सांभारमध्ये काळे कीटक तरंगताना दिसले, ज्यामुळे अनेक वापरकर्ते प्रीमियम सेवेच्या अन्न गुणवत्तेवर प्रश्न उपस्थित करत होते.
काँग्रेस खासदार मणिकम टागोर यांनी व्हिडिओ शेअर केला आणि वंदे भारत गाड्यांवरील स्वच्छतेच्या मानकांवर प्रश्नचिन्ह उपस्थित केले तेव्हा परिस्थितीकडे गांभीर्याने लक्ष देण्यात आले.
“प्रिय @AshwiniVaishnaw जी, तिरुनेलवेली-चेन्नई वंदे भारत एक्स्प्रेसमध्ये दिल्या जाणाऱ्या अन्नामध्ये जिवंत कीटक आढळून आले आहेत, प्रवाशांनी स्वच्छता आणि IRCTC च्या जबाबदारीबद्दल चिंता व्यक्त केली आहे. याचे निराकरण करण्यासाठी आणि प्रीमियम ट्रेन्सवर अन्न सुरक्षा सुनिश्चित करण्यासाठी कोणती पावले उचलली जात आहेत?”
रेल्वेने केटररला ५०,००० रुपये दंड ठोठावला
याबाबत रेल्वेने निवेदन जारी केले आहे. त्यात म्हटले आहे की “तत्काळ तपास करण्यात आला.” दिंडीहुल स्थानकावरील आरोग्य निरीक्षकांनी अन्न पॅकेजची तपासणी केली.
त्यांच्या निष्कर्षानुसार हा कीटक सांभाराच्या आत न राहता ॲल्युमिनियमच्या डब्याच्या झाकणाला चिकटला होता.
त्यामुळे केटरिंग सर्व्हिस प्रोव्हायडरला रेल्वेने ५० हजार रुपयांचा दंड ठोठावला.
“दूषित होण्याचे कारण शोधण्यासाठी अन्नाचे नमुने गोळा करून तपासणीसाठी पाठवण्यात आले. या निष्काळजीपणासाठी वृंदावन फूड प्रोडक्ट्सच्या कंत्राटदाराकडून रु.५०,००० दंड आकारला जाईल आणि पुढील कारवाई सुरू आहे,” असे रेल्वेने सांगितले.
त्यात म्हटले आहे: “रेल्वे दूषित होण्याच्या स्त्रोताशी संबंधित सर्व शक्यता लक्षात घेऊन या घटनेचा तपशीलवार तपास करत आहे.”
येथे पोस्ट पहा:
उल्लेखनीय म्हणजे, वंदे भारत गाड्यांना अन्न सुरक्षेच्या समस्येचा सामना करण्याची ही पहिलीच वेळ नाही. काही महिन्यांपूर्वीच दुसऱ्या एका प्रवाशाने त्याच्या जेवणात झुरळ सापडल्याची माहिती दिली.
सरकारच्या ‘मेक इन इंडिया’ उपक्रमाचा भाग असलेल्या वंदे भारत गाड्या त्यांच्या उच्च गती, सुधारित सुरक्षा मानके (enhanced safety standards ) आणि उत्कृष्ट सेवेसाठी ओळखल्या जातात.
