Viral Video: समाज माध्यमांवर डान्स, गाणी, अभिनय करणाऱ्या अनेक कलाकारांचे रील्स व्हायरल होत असतात. त्यातील अनेक जण त्यांच्यातील कलेमुळे खूप चर्चेत येतात आणि प्रसिद्ध होतात. प्रसिद्धी मिळाली की, त्यांच्या कलेला खऱ्या अर्थाने वाव मिळतो. अगदी लहान चिमुकल्यांपासून ते मोठ्यांपर्यंत प्रत्येक वयोगटातील व्यक्तींचा यात समावेश असतो. सध्या यावर एका कुटुंबाचा डान्स व्हिडीओ तुफान व्हायरल होतोय, जो पाहून तुम्हीही अवाक् व्हाल.
प्रत्येक स्त्रीसाठी तिचं कुटंब म्हणजे सर्वस्व असते. आजच्या काळात जिथे नोकरी करत घर आणि संसार सांभाळताना स्त्रियांना तारेवरची कसरत करावे लागते. पण आजही कित्येक महिला ही जबाबदारी आनंदाने पार पाडतात. नोकरी-व्यवसायाबरोबर घर-संसार-कुटंब सर्व काही सांभाळतात. आपल्या कुटुंबाची आणि आपली प्रत्येक छोटी मोठी हौस पूर्ण करतात. या व्हिडीओतील महिला देखील आपल्या पती आणि मुलाबरोबर सुंदर डान्स करताना दिसत आहे.
या व्हायरल व्हिडीओमध्ये तुम्ही पाहू शकता की, एका घरामध्ये आई-वडिल आणि त्यांचा लहान मुलगा ‘जिंदगी जिंदगी दोस्तों की दुनियादारी’या मराठी गाण्यावर जबरदस्त डान्स करत आहेत. या तिघांच्या प्रत्येक डान्स स्टेप्स आणि चेहऱ्यावरील हावभाव लक्ष वेधून घेत आहेत. त्यांचा हा भन्नाट डान्स सोशल मीडियावरही खूप व्हायरल होत आहे.
हा व्हिडीओ इन्स्टाग्रामवरील @kakade.sanjay या अकाउंटवर शेअर करण्यात आला असून, या व्हिडीओला आतापर्यंत तीन मिलियनहून अधिक व्ह्युज आणि लाखो लाइक्स मिळाल्या आहेत. तसेच या व्हिडीओवर अनेक युजर्स कमेंट्स करताना देखील दिसत आहेत.
पाहा व्हिडीओ:
एका युजरने लिहिलंय की, “किती भारी मजा आली”, तर दुसऱ्या युजरने लिहिलंय की, “काय नाचता राव”, तर तिसऱ्याने लिहिलंय की, “खूपच सुंदर”