Viral video: आपल्याला माहितीये शहराकडे गावाकडची जुनी, वयस्कर लोकं आली की त्यांना बावरल्यासारखं होत. आजूबाजूचं शहर त्यांच्यासाठी नवीन असल्यामुळे ते पुरते गोंधळलेले असतात. सोबत कुणी शहरातलं असेल तर ठिक नाहीतर कितीतरी लोक हरवतात सुद्धा. शहरात वावरताना प्रत्येक गोष्ट त्यांच्यासाठी नवी असते. अगदी बाजारपेठांपासून, मॉल, रेल्वे स्टेशन सगळं सगळं. अशाच दोन महिलांचा व्हिडीओ व्हायरल होत आहे. शहरात पहिल्यांदाच आल्यावर त्यांच्यासोबत नक्की काय घडलं तुम्हीच पाहा.
व्हिडीओ पाहू पोट धरुन हसाल
एस्केलेटर किंवा सरकते जिने तुम्ही स्टेशन, मॉल, मेट्रो, विमानतळाजवळ पाहिले असणार. अनेकांनी याचा वापर देखील केला असणार. या जिन्यांमुळे लोकांना पायऱ्या चढायचा त्रास वाचतो आणि काही सामान असेल तरी तुम्ही त्याला नीट विना मेहनत घेऊन प्रवास करु शकता. पण यासंबंधी एक असा व्हिडीओ समोर आला आहे, जो पाहून तुम्हीही पोट धरुन हसाल एवढं नक्की.
एस्केलेटरवर चढणे बर्‍याच लोकांसाठी खूप कठीण आहे. जे लोक दररोज एस्केलेटर वापरतात, त्यांच्यासाठी चढणे ही मोठी गोष्ट नाही. पण जे लोक एस्केलेटरवर पहिल्यांदाच चढत आहेत त्यांच्यासाठी ते हाताळणे खूप कठीण आहे. एस्केलेटरवर नर्व्हस होताना किंवा इतरांच्या मदतीने चढताना तुम्ही अनेकांना पाहिले असेल. मात्र अनेकवेळा काही लोक पहिल्यांदाच एस्केलेटरवर वापरत असताना अपघाताला बळी पडतात. या व्हिडीओमध्ये तुम्ही पाहू शकता, साडी नेसलेल्या दोन महिला एस्केलेटरवर चढण्याचा प्रयत्न करताना दिसत आहेत. प्रथम एक महिला एस्केलेटरवर चढते. तर तिच्या मागे दुसरी महिला चढत आहे. त्यानंतर या दोघीही इतक्या घाबरतात की एक महिला खालीच बसते तर दुसरी डोकं आणि हात खाली करुन तशीच उभी राहते. शेवटी या दोघीही घाबरुन उड्या मारतात.
पाहा व्हिडीओ
हेही वाचा >> मुंबईत गणपती बाप्पाच्या मिरवणुकीतली पाटी व्हायरल; ‘हा’ PHOTO तुम्हालाही विचार करायला भाग पाडेल
हा व्हिडिओ Ghar Ke Kalesh नावाच्या एक्स अकाऊंटवरुन शेअर करण्यात आला असून सोशल मीडियावर चांगलाच व्हायरल होत आहे. व्हिडिओच्या कमेंट सेक्शनमध्ये अनेक यूजर्सनी आपल्या प्रतिक्रिया दिल्या आहेत. एका युजरने व्हिडीओ मेकरला फटकारले आणि म्हटले, ‘तू व्हिडिओ का बनवत होतास? तुम्ही आधी मदत करायला हवी होती. तर आणखी एका युजरने ‘चिन टपाक डम डम’ अशी कमेंट करत या महिलांची मस्करी केली आहे.
