भारतीय म्हणून आपल्याला आपल्या पदार्थांमधील वैविध्येचा अभिमान आहे. प्रत्येक राज्याची स्वतःची अशी वेगळी खासियत आहे. येथे कित्येक व्यंजने आपल्याला चाखायला मिळतील. मात्र चाट पदार्थांमध्ये पाणीपुरी सर्वांत जास्त प्रसिद्ध आहे. असा क्वचितच कोणी असेल, ज्याला पाणीपुरी आवडत नसेल. भारतातील अनेक राज्यांमध्ये पाणीपुरीचे वेगवेगळे प्रकार आपल्याला पाहायला मिळतात. देशातच नाही तर जगातील अनेक देशातील लोकही पाणीपुरीचे चाहते आहेत. नुकतंच एका व्हिएतनामी फूड ब्लॉगरने पहिल्यांदाच पाणीपुरीची चव चाखली आहे. पाणीपुरी खातानाचा एक व्हिडीओ त्याने आपल्या सोशल मीडिया अकाउंटवर शेअर केला असून पाणीपुरी खाल्ल्यानंतर त्याने जी प्रतिक्रिया दिली आहे ती आता व्हायरल झाली आहे. हा व्हिडीओ आतापर्यंत ३ लाखांहून अधिकवेळा पाहिला गेला आहे. Viral Video : गाय आणि वासराने पाणीपुरीवर मारला ताव; नेटकरी म्हणतात, “यांनी तर मुलींनाही…” या फूड ब्लॉगरचे नाव क्वांग ट्रॅन असे असून तो आपल्या व्हिडीओमध्ये पाणीपुरी खाताना दिसत आहे. यावेळी तो स्वतः पाणीपुरी तयार करत आहे आणि खात आहे. पाणीपुरी खाल्ल्यानंतरच्या त्याच्या प्रतिक्रिया अतिशय मजेशीर आहेत. त्याला पाणीपुरीची चव खूपच जास्त आवडली असून तो एकेक करून पाणीपुरी बनवत आहे आणि खात आहे. पाणीपुरी खाल्ल्यानंतरची क्वांग ट्रॅनची प्रतिक्रिया नेटकऱ्यांना खूपच आवडली आहे. नेटकऱ्यांनी त्याच्या व्हिडीओवर अनेक कमेंट्सही केल्या आहेत.
