Viral Memes: गणेशोत्सवामध्ये मुंबईचेच झाले ‘विसर्जन’; ट्विटवर मिम्सचा पाऊस

पाहा व्हायरल झालेले मिम्स

मिम्सचा पाऊस

ऐन गणेशोत्सवात मुंबईला पावसाने झोडपले आहे. मुंबईमध्ये मंगळवारी संध्याकाळपासून पडणाऱ्या पावसाचा जोर बुधवार सकाळपासूनच वाढल्याने शहरातील जनजीवन विस्कळीत झाले आहे. मध्य रेल्वेच्या मार्गावरील शीव, कांजूरमार्ग, विक्रोळी आणि घाटकोपर स्थानकांमध्ये रुळावर पाणी साठल्याने ठाणे ते सीएसएमटी वाहतूक पूर्णपणे बंद करण्यात आली आहे. तर हार्बर मार्गावरही ठाणे-वाशी आणि ठाणे-पनवेल मार्ग वगळता इतर सर्व मार्गांवरील वाहतूक पूर्णपणे ठप्प झाली आहे. पश्चिम रेल्वेवरील वाहतूकही ठप्प झाली असून अनेक प्रवाशी अडकून पडले आहेत. तर दुसरीकडे रस्ते वाहतुकीचाही बोजवारा उडाला आहे. असे असतानाच ट्विटवरही मुंबईच्या पावसाचीच चर्चा आहे. अनेकांनी पावसाचे अपडेट्स, व्हिडिओ आणि फोटो #MumbaiRains आणि #MumbaiRain हे हॅशटॅग वापरून शेअर करताना दिसत आहेत. एकीकडे ट्विटवरुन चिंता व्यक्त होत असतानाच दुसरीकडे काहीजणांनी हे हॅशटॅग वापरून मुंबईकरांच्या व्यथा मिम्सच्या माध्यमातून मांडल्या आहेत. यात अगदी पावसात ऑफिसला येणारे कर्मचारी, गणेशोत्सव आणि पावसाचा संबंध असे अनेक ट्विटस व्हायरल झाले आहेत. पाहूयात असे काही व्हायरल मिम्स

गणेशोत्सव संपेपर्यंत

मुंबईकर ऑफिसला जाताना

प्रत्येक मुंबईकर

ऑफिसची नवी कपडे

नाही वाचणार मी

शंभर दोनशे एक्स्ट्रा घ्या

टॅक्सी चालकांना विनंती

हे खरे दोषी

दर पंधरा दिवसांनी

गल्फ ऑफ अलास्का आणि अंधेरी

रस्त्यावर विसर्जन

सर्वोत्तम

मुंबई की व्हॅनिस

विसर्जन कोणाचं…

मुंबई आणि पाऊस

दरम्यान, मुंबईसहीत राज्यातील अनेक भागांमध्ये पुढील दोन ते तीन दिवस मध्यम ते मुसळधार पावसाची शक्यता हवामान खात्याने व्यक्त केली आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व ट्रेंडिंग बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Viral memes about mumbai rains scsg

Next Story
video : रक्तस्त्राव ‘तिला’ रोखू शकत नाही !
ताज्या बातम्या