Manhole Cover Viral Video: “जसं कराल तसं भराल”, “चांगल्या कर्माचं फळ चांगलंच मिळतं” अशा म्हणी आपण अनेकदा ऐकतो. काही लोक या गोष्टींवर विश्वास ठेवतात, तर काहीजण त्याकडे केवळ योगायोग म्हणून पाहतात. मात्र, सध्या सोशल मीडियावर व्हायरल होत असलेला एक VIDEO पाहिल्यानंतर अनेकजण अक्षरशः हादरले आहेत. कारण एका तरुणाने केलेल्या छोट्याशा चांगल्या कामामुळे त्याचा जीव थोडक्यात वाचल्याचं या व्हिडीओमध्ये दिसत आहे. हा थरारक VIDEO सध्या इंटरनेटवर मोठ्या प्रमाणात व्हायरल होत असून नेटकरी त्यावर विविध प्रतिक्रिया देताना दिसत आहेत. अनेकांनी तर हा “देवाने दिलेला इशारा” असल्याचं म्हटलं आहे.
व्हिडीओमध्ये नेमकं काय घडलं?
रस्त्यावरून जाताना अनेकदा गटारांची झाकणं उघडी किंवा हललेली दिसतात. ही झाकणं व्यवस्थित नसल्यास मोठा अपघात होऊ शकतो. एखादी व्यक्ती, दुचाकीस्वार किंवा प्राणी नकळत त्यात पडण्याचा धोका असतो. व्हायरल होत असलेल्या VIDEO मध्येही असंच काहीसं पाहायला मिळतं. एका रस्त्यावर गटाराचं झाकण नीट बसलेलं नसतं. त्याचवेळी एक व्यक्ती स्कूटरवरून तिथे येते. गटार उघडं असल्याचं लक्षात येताच तो थांबतो. काही क्षण परिस्थिती पाहिल्यानंतर तो स्कूटर बाजूला लावतो आणि पुढे निघून जातो. मात्र, रस्त्याच्या कडेला उभा असलेला एक तरुण हे सगळं पाहत असतो. कोणाचाही अपघात होऊ नये म्हणून तो क्षणाचाही विचार न करता पुढे येतो आणि गटाराचं झाकण व्यवस्थित बसवू लागतो.
…आणि पुढच्याच क्षणी घडलं भयानक!
तरुण गटाराचं झाकण नीट बसवून तिथून बाजूला होतो आणि अवघ्या काही सेकंदांत त्याच्या मागे असलेला मोठा खांब अचानक कोसळतो. हा संपूर्ण प्रकार इतका अचानक घडतो की काही क्षणांसाठी अंगावर काटा येतो. जर तो तरुण त्या जागेवर काही सेकंद जरी उभा राहिला असता तर मोठा अनर्थ घडला असता. सुदैवाने तो थोडक्यात बचावतो. हा प्रसंग पाहिल्यानंतर सोशल मीडियावर अनेकांनी “काळ आला होता पण वेळ आली नव्हती” अशी प्रतिक्रिया दिली आहे.
नेटकऱ्यांच्या प्रतिक्रिया काय?
हा VIDEO फेसबुकसह इतर सोशल मीडिया प्लॅटफॉर्मवर मोठ्या प्रमाणात शेअर केला जात आहे. अनेकजण या तरुणाचं कौतुक करत आहेत. “चांगलं काम केल्यामुळेच देवाने त्याला वाचवलं”, “अशा लोकांमुळे समाज अजूनही सुरक्षित आहे”, “हा खरा कर्माचा सिद्धांत आहे” अशा भावना नेटकऱ्यांनी व्यक्त केल्या आहेत. काहींनी मात्र प्रशासनावरही प्रश्न उपस्थित केले आहेत. रस्त्यांवरील उघडी गटारं आणि धोकादायक खांब यामुळे नागरिकांच्या जीवाला धोका निर्माण होत असल्याचं त्यांनी म्हटलं आहे.
समाजासाठी मोठा संदेश
हा VIDEO फक्त थरारक घटना नाही, तर समाजाला एक मोठा संदेश देणारा आहे. अनेकदा लोक रस्त्यावर एखादी धोकादायक गोष्ट दिसली तरी दुर्लक्ष करतात. मात्र, त्या तरुणाने स्वतः पुढाकार घेतला आणि संभाव्य अपघात टाळण्याचा प्रयत्न केला. त्याचं हे छोटंसं चांगलं काम कदाचित त्याच्याच जीवासाठी संरक्षण ठरलं.
“चांगलं कर्म कधी वाया जात नाही”
या व्हिडीओमधून एक गोष्ट स्पष्ट होते, केलेलं चांगलं काम कधीही व्यर्थ जात नाही. मदतीची भावना आणि समाजाबद्दलची जबाबदारी अजूनही काही लोकांमध्ये जिवंत आहे म्हणूनच सध्या हा VIDEO इंटरनेटवर तुफान व्हायरल होत असून लोक पुन्हा पुन्हा तो पाहत आहेत.
व्हिडीओ पाहण्यासाठी खालील लिंकवर क्लिक करा
প্রাক্তন – Spread positivity, and it will shine you back ? | Facebook
