ॲनाकोंडा चित्रपट तुम्ही कधीतरी पाहिला असेलच. त्यातील भलामोठा ॲनाकोंडा आणि थरकाप उडवून देणाऱ्या त्याच्या हालचाली पाहून अक्षरशः प्रत्येकाचाच थरकाप उडतो. केवळ स्क्रिनवर असा राक्षसी ॲनाकोंडा जर आपली अशी अवस्था होत असेल तर मग विचार करा जर असाच राक्षसी ॲनाकोंडा प्रत्यक्षात तुमच्या समोर आला तर… अगदी छोटे मोठे साप जरी दिसले तरी आपली बोबडी वळते, मग चित्रपटात दाखवलाय अगदी तसाच भलामोठा ॲनाकोंडा तुमच्या बाजुने सरपटत आला तर काय होईल? होय, अगदी असाच भलामोठा ॲनाकोंडा दिवसाढवळ्या एका हायवेवरून रस्ता ओलांडताना दिसून आला आहे. याचा व्हिडीओ सध्या सोशल मीडियावर प्रचंड व्हायरल होतो आहे. हा व्हिडीओ पाहून तुमचा सुद्धा थरकाप उडेल, हे मात्र नक्की.

सोशल मीडियावर व्हायरल होत असलेल्या या व्हिडीओमध्ये आपण पाहू शकतो की, सुमारे २५ फूट लांब दिसणारा एक हिरवा ॲनाकोंडा हायवेच्या मध्यभागी दुभाजकावरून सरपडत असताना दिसून येतोय. या ॲनाकोंडाचे अवसान दातखिळी बसेल असं होत. भल्या मोठ्या या ॲनाकोंडाजवळ जाण्याची हिम्मत कोणी करत नव्हतं. हायवेवरून जाणाऱ्या सर्व गाड्या या ॲनाकोंडाला पाहून जागीच थांबल्या. इतकंच नव्हे तर गाड्यांमधल्या लोकांनी याची देही याची डोळा भला मोठा ॲनाकोंडा पाहण्यासाठी तौबा गर्दी केली होती. अनेकांनी या ॲनाकोंडाचा आपल्या मोबाईल कॅमेऱ्यात कैद करण्यासाठी व्हिडीओ रेकॉर्डिंग करण्यास सुरूवात केली.

ms dhoni appointment letter for ticket collectors job in indian railways goes viral
महेंद्रसिंग धोनीच्या पहिल्या सरकारी नोकरीचे अपॉइंटमेंट लेटर होतंय व्हायरल; PHOTO पाहून चाहते म्हणाले, ‘व्वा…”
pet dog save child from falling down the stairs
… म्हणून कुत्रा माणसाचा चांगला मित्र आहे, कुत्र्याने चिमुकलीला पायऱ्यांवरून पडताना वाचवले; पाहा VIDEO
How to deal with a difficult boss
तुमचा बॉस निर्दयी स्वभावाचा आहे का? खडूस बॉसबरोबर कसे वागावे? तज्ज्ञांनी सांगितल्या खास टिप्स….
Animal Cruelty in Delhi Mukherjee Nagar
निर्दयीपणाचा कळस! कुत्र्याच्या गळ्यात वायर गुंडाळून अमानुषपणे फेकले; पाहा ह्रदयद्रावक VIDEO

हा ॲनाकोंडा शांतपणे हायवेवरील रस्ता ओलांडत बाजुला असलेल्या दलदलीच्या भागात जाताना दिसला. या भल्यामोठ्या ॲनाकोंडाला पाहून लोकांनी घाबरून न जाता शांतपणे त्याला रस्ता ओलांडण्यासाठी मदत केली. हा इतका मोठा ॲनाकोंडा दुभाजकावरून दुसऱ्या रस्त्यावर येत असताना तिथे उभा असलेल्या एका माणसालाच्या अगदी जवळून जाताना दिसला, पण या ॲनाकोंडाने चित्रपटात दाखवतात तसा कोणावरही हल्ला केला नाही, याचं सर्वांना आश्चर्य वाटतंय.

आणखी वाचा : VIRAL VIDEO : नवऱ्यापासून लपवून Amazon वर केली शॉपिंग, डिलिव्हरी ड्रायव्हरने पॅकेज लपवलं सुद्धा, पण पुढे जे झालं ते पाहाच….

इथे पाहा हा व्हायरल व्हिडीओ :

आणखी वाचा : VIRAL VIDEO : असा केक तुम्ही कधी पाहिला नसेल, पण नवरा नवरीच्या समोरच पडला त्यांचा स्पेशल Wedding Cake

हा व्हिडीओ सध्या सोशल मीडियावर प्रचंड व्हायरल होतोय. ही घटना ब्राझीलमध्ये घडली असल्याचं सांगण्यात येत आहे. हा व्हिडीओ इन्स्टाग्रामवर ‘snake.wild’ नावाच्या युजरने शेअर केला आहे. या व्हिडीओला आतापर्यंत १ लाख ९४ हजार व्ह्यूज मिळाले आहेत. इतक्या मोठ्या ॲनाकोंडाला पाहून लोक या व्हिडीओवर कमेंट्स सेक्शनमध्ये आपल्या वेगवेगळ्या भावना व्यक्त करत आहेत.