Viral Video: हल्लीच्या अनेक लहान मुलांमध्येही सोशल मीडियाप्रति खूप आकर्षण आहे. नवनवीन गाणी, चित्रपट आणि त्यातील डायलॉग्ज मुलांना तोंडपाठ असतात. हल्लीची ही मुलं सोशल मीडियावरील बदलत्या ट्रेंडनुसार वागताना, बोलताना दिसतात. मोठ्यांप्रमाणेच लहान मुलंदेखील सोशल मीडियाच्या माध्यमातून आपली कला सादर करताना दिसतात. आतापर्यंत आपण अनेक व्हायरल व्हिडीओ पाहिले आहेत. दरम्यान, आता अशाच एका गोड मुलाचा व्हिडीओ व्हायरल होतोय, जो खूप चर्चेत आला आहे.
गावाकडची मुलंही कलेच्या बाबतीत कुठेच कमी नाहीत. डान्स, गायन, अभिनय असो किंवा विविध पारंपरिक कला, ही मुलं आपल्या अंगभूत कौशल्याने सगळ्यांचे लक्ष वेधून घेतात. सोशल मीडियामुळे आता गावातील या कलाकारांना आपली कला जगासमोर दाखवण्यासाठी मोठं व्यासपीठ मिळालं आहे. त्यांच्या साधेपणातून आणि उत्स्फूर्त सादरीकरणातून दिसणारी कला अनेकदा नेटकऱ्यांची मनं जिंकते.
सोशल मीडियामुळे खेड्यातील आणि ग्रामीण भागातील मुलांच्या अंगभूत कलेला आता जगासमोर येण्याची संधी मिळत आहे. डान्स, गायन, अभिनय, पारंपरिक कला अशा विविध क्षेत्रांतील मुलं आपल्या कौशल्याचे व्हिडीओ सोशल मीडियावर शेअर करत आहेत. पूर्वी योग्य व्यासपीठाअभावी मर्यादित राहणाऱ्या या कलांना आता हजारो-लाखो लोकांपर्यंत पोहोचता येत आहे. त्यामुळे ग्रामीण भागातील अनेक गुणी कलाकारांना ओळख आणि प्रोत्साहन मिळत आहे.
लावणी हा महाराष्ट्राच्या समृद्ध लोककलेतील एक लोकप्रिय पारंपरिक नृत्यप्रकार आहे. ढोलकीच्या ठेक्यावर सादर होणाऱ्या लावणीमध्ये नृत्य, संगीत, अभिनय आणि प्रभावी हावभाव यांचा सुंदर मिलाफ पाहायला मिळतो. पारंपरिक नऊवारी साडी, ठसकेबाज अदाकारी आणि तालबद्ध हालचाली ही लावणीची खास वैशिष्ट्ये मानली जातात. महाराष्ट्राच्या लोकसंस्कृतीत लावणीला विशेष स्थान असून आजही विविध कार्यक्रम, सांस्कृतिक महोत्सव आणि सोशल मीडियावर तिची लोकप्रियता कायम आहे.
सोशल मीडियावर एका चिमुकल्याचा लावणी डान्सचा व्हिडीओ सध्या लक्ष वेधून घेत आहे. ‘मी ३६ नखरे वाली’ या गाण्यावर हा चिमुकला लावणीच्या तालावर सुंदर नृत्य करताना दिसत आहे. त्याच्या नृत्यातील आत्मविश्वास, तालबद्ध स्टेप्स आणि उत्स्फूर्त सादरीकरण पाहून नेटकरीही प्रभावित होत आहेत. या चिमुकल्याच्या डान्सचा व्हिडीओ सोशल मीडियावर चांगलाच चर्चेचा विषय ठरत आहे.
पाहा व्हिडीओ:
हा व्हिडीओ इन्स्टाग्रामवरील @manishsanjaysonwneया अकाउंटवर शेअर करण्यात आला असून, त्यावर आतापर्यंत अनेक व्ह्युज आणि लाइक्स मिळाल्या आहेत. तसेच यावर अनेक युजर्स कमेंट्स करताना दिसत आहेत. शिवाय चक्क या गाण्याचा गायक संजूने देखील यावर “छान छान” अशी कमेंट केली आहे. तर एका युजरने लिहिलेय, “गौतमी पाटील आणि ऐवजी यालाच गणपती नाचायला आणायला आमचं मंडळ” दुसऱ्या युजरने लिहिलेय, “खूप छान डान्स” तिसऱ्या युजरने लिहिलेय, “आईशप्पथ! खूप मस्त डान्स” आणखी एकाने लिहिलेय,, “खरंच जबरदस्त डान्स केला याने”
