Viral Video: प्रत्येक व्यक्तीच्या आयुष्यात काहीतरी दुःख असतंच. पण, त्या दुःखाकडे दुर्लक्ष करून लोक आनंदी राहण्याचा प्रयत्न करत असतात. अनेकांना जन्मापासून हात, पाय नसतात; तर काही जण अपघातामध्ये हात, पाय गमावतात. परंतु, ते अपघातानंतरही हार मानत नाहीत. सध्या अशाच एका व्यक्तीचा डान्स व्हायरल होतोय, जो त्याच्या कृत्रिम पायांवर नाचताना दिसत आहे.
समाजमाध्यमांवर नवनवीन गाणी, डान्स यांचे व्हिडीओ, तसेच विविध प्रकारच्या गोष्टी व्हायरल होत असतात. व्हायरल झालेल्या गाण्यांवर, डायलॉग्ज किंवा डान्स स्टेप्सवर लोक मोठ्या प्रमाणात रील्स बनवताना दिसतात. या चर्चेत असलेल्या गोष्टींवर अनेक सेलिब्रिटीदेखील रील्स बनवितात. सध्या सोशल मीडियावर ‘एक नंबर तुझी कंबर’ हे गाणं खूप चर्चेत आहे. आता या गाण्यावर एका कृत्रिम पाय लावलेल्या तरुणाने जबरदस्त डान्स केल्याचे पाहायला मिळत आहे.
या व्हायरल व्हिडीओमध्ये तुम्ही पाहू शकता, एक कृत्रिम पाय लावलेली व्यक्ती ‘एक नंबर तुझी कंबर’ या गाण्यावर डान्स करताना दिसत आहे. यावेळी त्याच्या चेहऱ्यावरील हावभाव आणि डान्स स्टेप्स पाहून नेटकरीही कौतुक करत आहेत. शिवाय या व्हिडीओत त्याच्या मागे दोन मुलीदेखील सुंदर डान्स करताना दिसत आहेत. या तिघांचा हा डान्स सध्या सोशल मीडियावर खूप व्हायरल होत आहे.
पाहा व्हिडीओ:
हा व्हिडीओ इन्स्टाग्रामवरील @ablurajesh_ या अकाउंटवर शेअर केला असून यावर आतापर्यंत हजारो व्ह्युज आणि लाइक्स मिळाल्याचे पाहायला मिळत आहे. तसेच यावर अनेक जण कमेंट्स करताना दिसत आहेत. एकाने लिहिलंय की, “खूप छान डान्स केलास भावा…नेहमी खूश राहा”, तर दुसऱ्याने लिहिलंय की, “तुझ्या कलेला सलाम”, तर तिसऱ्याने लिहिलंय की, “याला म्हणतात जिद्द.”
