Raksha Bandhan Viral Video: रक्षाबंधनाचा सण भाऊ-बहिणीचं नातं आणखी खास बनवतो. या दिवशी बहिणी आपल्या भावाच्या मनगटावर बहिणी राखी बांधतात आणि भाऊ बहिणीच्या रक्षणाचं वचन देतो. मात्र, राखी हा फक्त एक धागा नसून भाऊ-बहिणीचं प्रेम, विश्वास आणि एकमेकांच्या पाठीशी उभं राहण्याचं प्रतीक मानलं जातं. त्यामुळेच रक्षाबंधनाच्या दिवशी समोर येणारे भाऊ-बहिणीचे भावूक फोटो आणि व्हिडिओ लोकांच्या मनाला भिडतात.
अशातच सोशल मीडियावर एक असा व्हिडिओ समोर आला आहे, जो पाहून कदाचित तुमचेही डोळे पाणावतील. या व्हिडिओमध्ये एक बहीण आपल्या भावाच्या मनगटावर हातांनी नाही, तर चक्क पायांनी राखी बांधताना दिसत आहे. त्यानंतर ती आपल्या भावाला पायांच्या मदतीने मिठाईही खाऊ घालते. या बहिणीचं धाडस आणि भावासाठी तिच्या चेहऱ्यावर दिसणारं प्रेम लोकांना भावूक करत आहे.
व्हायरल व्हिडीओ
व्हायरल होत असलेल्या व्हिडिओमध्ये भाऊ-बहिणी रक्षाबंधनाच्या निमित्ताने एकत्र दिसत आहेत. बहीण आपल्या भावासमोर बसली आहे आणि राखी बांधण्याची तयारी करत आहे. ती आपल्या पायांच्या मदतीने राखी उचलते आणि हळूहळू भावाच्या मनगटावर बांधते. हा क्षण पाहताना खूप भावूक वाटतो. बहीण ज्या आत्मविश्वासाने राखी बांधते, त्यावरून या विधीला तिच्यासाठी किती महत्त्व आहे, हे स्पष्ट दिसतं.
परिस्थिती कशीही असली तरी तिने आपल्या भावासोबत रक्षाबंधनाचा सण साजरा करण्याचा मार्ग शोधलाच. राखी बांधल्यानंतरही बहीण थांबत नाही. ती आपल्या भावाला मिठाईही खाऊ घालते. या संपूर्ण प्रसंगात भाऊही आपल्या बहिणीसोबत दिसत आहे. दोघांमधील प्रेम आणि आनंद या व्हिडिओला आणखी खास बनवतो.
व्हिडिओ पाहून लोक झाले भावूक
हा व्हिडिओ एक्स (X) वर @HajiNizamuddin3 नावाच्या अकाउंटवरून शेअर करण्यात आला आहे. शेअर होताच भाऊ-बहिणीच्या प्रेमाचा हा अनोखा व्हिडिओ व्हायरल झाला. हा व्हिडिओ ५५ हजारांहून अधिक लोकांनी पाहिला असून २ हजारांहून अधिक लोकांनी त्याला लाइकही केलं आहे. लोक या व्हिडिओवर भरभरून प्रतिक्रिया देत आहेत. एका युजरने लिहिलं- “राखी तर हातात बांधली आहे, पण या छोट्या मुलीच्या चेहऱ्यावर भावासाठी जे प्रेम आणि आपलेपणा दिसतो, तेच या नात्याचं खरं सौंदर्य आहे. मोठे झाल्यावर कदाचित हे दोघे हा क्षण विसरतील, पण अशाच छोट्या-छोट्या आठवणी भाऊ-बहिणीला नेहमी जोडून ठेवतात. खूप सुंदर क्षण.”
दुसऱ्या युजरने लिहिलं- “नात्यांचं सौंदर्य कदाचित असंच असतं, जिथे परिस्थिती कितीही कठीण असली तरी प्रेम स्वतःचा मार्ग शोधून काढतं. पायांनी राखी बांधून आणि भावाला मिठाई खाऊ घालून या मुलीने सिद्ध केलं की धाडस शरीरात नाही, तर मनात असतं.”
तिसऱ्या युजरने लिहिलं- “या जगात काय काय आहे, हे कळत नाही. तरीही लोक इतके का रडत राहतात? खूप अद्भुत व्हिडिओ. भाऊ-बहिणीचं प्रेम अजरामर राहील. रक्षाबंधनाच्या सर्वांना शुभेच्छा.”
