रशियन स्टंटमॅनचा एक व्हिडीओ सध्या सोशल मीडियावर व्हायरल होऊ लागला आहे. या व्हिडीओमध्ये एक तरूण वेगवान कारच्या छतावर असलेला दिसत आहे. या वेगवाग गाडीवरून हा तरूण आपल्या डोळ्यांची पापणी लवण्याच्या आत हा तरूण थेट दुसऱ्याच गाडीत घुसला. हे त्याने कसं केलं हा विचार डोक्यात येण्याआधीच तो पुन्हा आपल्या पहिल्या गाडीवर पोहोचतो. हे सगळं इतक्या वेगाने घडतं की, व्हिडीओ तीन-चार वेळा पाहिल्यावरच खरा प्रकार नक्की काय आहे हे समजते.
हा व्हायरल व्हिडीओ पाहून तुम्ही सुद्धा सुरूवातीला काही वेळासाठी चक्रावून जाल. हा व्हिडीओ व्हायरल हॉग नावाच्या अकाउंटवरून सोशल मीडिया प्लॅटफॉर्म यूट्यूबवर पोस्ट करण्यात आला आहे. या चकित करणाऱ्या व्हिडीओमध्ये एक रशीयन तरूण स्टंट करताना दिसतोय. हा स्टंट वेगवेगळ्या अॅंगलने दाखवला आहे. इव्हगेनी चेबोटारेव्ह असं या स्टंटमॅनचे नाव आहे. याआधीही त्याने असे अनोखे स्टंट दाखवले आहेत, ज्यावर तुमचा विश्वास बसणं कठीण आहे, पण प्रत्यक्षात तो त्याने केलेला पराक्रम आहे.
हा स्टंट इतक्या वेगाने केला जातो की काय झालं हे समजणं कठीण होतं आणि म्हणूनच ही व्हिडीओ क्लिप केवळ दहा सेकंदांची होती, ज्यामध्ये तो स्लो मोशनमध्ये दाखवण्यात आलाय. हा व्हिडीओ पाहिल्यानंतर लोक पुढे सोशल मीडियावरील इतर प्लॅटफॉर्मवर शेअर करू लागले आहेत. गाडीला साधं स्पर्श न करता या तरूणाने वेगवान कारमधून दुसऱ्या गाडीत कसा काय प्रवेश केला आणि पुन्हा अचूक वेळ साधत पुन्हा पहिल्या गाडीवर कसा काय आला, असाच प्रश्न सारेच जण विचारत आहेत. हा कमालीचा व्हिडीओ प्रत्येकाला चक्रावून सोडतो आहे.
आणखी वाचा : चालत्या गाडीच्या खिडकीतून मुलगी पडली, ड्रायव्हरला कळलंच नाही; पुढे काय झालं? पाहा VIRAL VIDEO
इथे पाहा हा व्हायरल व्हिडीओ :
आणखी वाचा : महापुरात अडकलेल्या हत्तीला वाचवले, सात तासांच्या बचाव मोहिमेचा VIDEO VIRAL
हा व्हिडिओ सर्वांना आश्चर्यचकित करत आहे. आतापर्यंत आपण सर्वांनी स्टंटचे बरेच व्हिडीओ बघितले असतील मात्र, इतका खतरनाक व्हिडीओ आपण पहिल्यांदाच बघितला असेल. खरं तर असे स्टंट अनेक वर्षांच्या सरावानंतर केले जातात. त्यामुळे आपल्यापैकी कुणीही याचं अनुकरण करण्याचा प्रयत्न करू नका, असं आवाहन देखील करण्यात येत आहे.
