Viral Video Show Elderly Couple Dancing At Mohit Chauhan’s Concert : सुख-दुःखात साथ देणारा जोडीदार लाभला तर आयुष्याचा प्रत्येक क्षण अगदी खास होऊन जातो. त्यासाठी नात्यात कायम एक प्रकारचा गोडवा असला पाहिजे. हा गोडवा कसा राहील हे आपल्या हातात असतं. एकमेकांना वेळ देत राहिला तर हे नातं वर्षानुवर्षे पुढे जात राहतं. पण, सध्या स्वार्थापोटी अनेक नाती टिकवली जातात; तर आजच्या पिढीला खरं प्रेम वर्षानुवर्षे कसं दिसतं हे दाखवणारा एक व्हिडीओ व्हायरल होत आहे. यामध्ये एक वृद्ध जोडपं एका गाण्यावर डान्स करताना दिसले आहेत.
व्हायरल व्हिडीओ (Viral Video) बिहारचा आहे. इंदिरा गांधी इन्स्टिट्यूट ऑफ मेडिकल सायन्स (IGIMS) येथे गायक मोहित चौहान परफॉर्म करत होता, तर मोहित चौहान लाइव्ह कॉन्सर्टमध्ये २०१५ मध्ये प्रदर्शित झालेला बॉलीवूडचा ‘तमाशा’ चित्रपटातील ‘मटरगष्टी’ (Matargashti) गाणं गाण्यास सुरुवात करतो. तेव्हा या गाण्यावर तरुण मंडळी नाही तर एक वृद्ध जोडपं रोमँटिक डान्स करताना दिसत आहेत. वृद्ध जोडप्याने या गाण्यावर कसा डान्स केला, व्हायरल व्हिडीओतून तुम्हीसुद्धा नक्की बघा…
व्हिडीओ नक्की बघा….
जोडीदार असा असेल तर…
व्हायरल व्हिडीओत (Viral Video) तुम्ही पाहिलं असेल की, मोहित चौहान गाणं गाण्यास सुरुवात करतात. या लाइव्ह कॉन्सर्टमध्ये अनेक फॅन्सची प्रचंड गर्दी असते. यादरम्यान काही तरुण मंडळी गाणं ऐकत असतात, काही जण मोबाइलमध्ये क्षण कॅप्चर करत असतात. पण, या सगळ्यामध्ये एक वृद्ध जोडपं मात्र हा क्षण जगताना दिसतात. कारण आजी-आजोबा हातात हात धरून या गाण्यावर रोमँटिक डान्स करताना दिसले आहेत. हा डान्स पाहिल्यानंतर तुम्हीही म्हणाल की, वय म्हणजे फक्त एक आकडा आहे.
सोशल मीडियावर हा व्हिडीओ इन्स्टाग्राम युजर विकास वर्मा यांच्या @patnaplanet या इन्स्टाग्राम अकाउंटवरून शेअर करण्यात आला आहे. तसेच ‘दिल तो बच्चा है जी!’ अशी कॅप्शन या व्हिडीओला देण्यात आली आहे. नेटकरीसुद्धा हा व्हिडीओ पाहून कमेंटमध्ये प्रेमाचा वर्षाव करताना दिसत आहेत. एका युजरने कमेंट केली आहे की, जोडीदार असा असेल तर लग्न करायला काय हरकत आहे. तर दुसरा म्हणतोय की, जर तुम्ही योग्य व्यक्तीशी लग्न केले तर बदलत्या वर्षात तुमचे आयुष्य आणखीन सुंदर बनत जाते’; आदी अनेक कमेंट नेटकऱ्यांनी केल्या आहेत.
