वेगवेगळ्या ठिकाणाहून रिपोर्टिंग करणे हे पत्रकारांसमोरचे मोठे आव्हान असते. अनेकवेळा त्यांना अनपेक्षित संकटांना सामोरे जावे लागते. कधी पावसामुळे आलेला पूर, तर कधी दहशदवादी हल्ला असा कठीण प्रसंगांमध्ये ही पत्रकारांना कर्तव्य बजावत रिपोर्टींग करावे लागते. तर कधी कधी रिपोर्टींग करत असताना असे हास्यास्पद प्रसंग घडतात, जे पाहून आपल्याला हसू अनावर होते. अशाच एका प्रसंगाचा व्हिडिओ सध्या व्हायरल होत आहे.
व्हायरल होणाऱ्या या व्हिडीओमध्ये एक पत्रकार हत्तींच्या कळपामध्ये उभा राहून रिपोर्टींग करत असल्याचे दिसत आहे. पण त्याच्या आजुबाजूला असणाऱ्या हत्तींना याची कल्पना नसल्याने ते यामध्ये अडथळा आणण्याचा प्रयत्न करत असल्याचे दिसत आहेत. बाजुला उभा असणारा हत्ती मध्येच पत्रकाराला धक्का मारत असल्याचे दिसत आहे. त्याकडे दुर्लक्ष करत रिपोर्टींग सुरू ठेवतात, पण मध्येच मागे उभा असणारा हत्ती सोंडेने त्यांच्या चेहऱ्यावर गुदगुल्या करू लागतो. यामुळे पत्रकारालाही हसू अनावर होते आणि तेथील उपस्थित सर्वजण हसू लागतात. पाहा व्हायरल होणारा हा व्हिडीओ.
आणखी वाचा : Zomato डिलीवरी बॉयने भररस्त्यातच सुरू केला डान्स; नेटकऱ्यांनी केली चिंता व्यक्त, म्हणाले ‘आम्हाला वाटले…’
व्हायरल व्हिडीओ :
व्हायरल होणाऱ्या या गोंडस व्हिडीओने नेटकऱ्यांची मनं जिंकली आहेत. या व्हिडीओला ५ लाखांहून अधिक व्ह्यूज मिळाले आहेत.
