असं दुकान तुम्ही कधी पाहिलंच नसेल! आवाज देताच दोरीद्वारे सामान तुमच्यापर्यंत पोहचणार; बनारसचा VIDEO होतोय व्हायरल

बनारसमध्ये वृद्ध महिला जे दुकान चालवते ते तळ मजल्यावर नसून पहिल्या मजल्यावर आहे. इथे कोणतेही फॅन्स वस्तू मिळत नाहीत. तर रोजच्या वापरातील किराणा सामान तुम्हाला अगदी सहज मिळते. या दुकानाचे वैशिष्ट्य म्हणजे ज्या पद्धतीने त्याला चालवले जाते. ग्राहक सहसा रस्त्यावरूनच हाक मारतात आणि ती महिला खिडकीतून वस्तू खाली आणून देते. हे बनारस आहे; जिथे अगदी पहिल्या मजल्यावरचं छोटंसं दुकानसुद्धा स्वतःची वेगळी ओळख ठेवून असतं. इथं प्रत्येक गोष्ट खास आहे, साधी असली तरी तिचं महत्त्व वेगळंच जाणवतं.

तुम्ही व्हिडीओत पाहिले असेल की, ग्राहक पार्लेजी बिस्कीट घ्यायला आलेला असतो. मग तो बिल्डिंगकडेला लागून असणाऱ्या रस्त्यावर उभा राहून हाक देतो. त्यानंतर मग आजी एका लाल रंगाच्या बादलीतून सामान दोरीद्वारे ग्राहकापर्यंत पोहचवते. सोशल मीडियावर व्हायरल होणारा व्हिडीओ या @varanasi360 आणि @nomadicframesbypp इन्स्टाग्राम अकाउंटवरून शेअर करण्यात आला आहे. बनारसमधील अनोखं दुकान व्हायरल व्हिडीओतून एकदा तुम्हीसुद्धा बघा…

व्हिडीओ नक्की बघा…

व्हिडीओ पाहून काही युजर्सनी त्यांनी भेट दिलेल्या बनारसच्या आठवणी सांगितल्या आहेत. “मणिकर्णिका घाटाजवळ, बाबा विश्वनाथांच्या भिंतीजवळ, असेच आणखी एक दुकान आहे. तळमजल्यावर तुम्ही पैंजण आणि इतर दागिने यांसारख्या वस्तू खरेदी करू शकता. तुम्ही आवाज दिल्यास, वरची महिला प्रतिसाद देते आणि तुम्हाला हवी असलेली वस्तू घेण्यास सांगते”, “वृद्ध महिलेने आधी पैसे घेतले पाहिजेत” ; आदी अनेकविध कमेंट्स नेटकऱ्यांनी व्हिडीओखाली केलेल्या दिसून आल्या आहेत.