Viral Video: सोशल मीडियावर नवनवीन गाणी, डान्स यांचे व्हिडीओ, तसेच विविध प्रकारच्या गोष्टी व्हायरल होत असतात. व्हायरल झालेल्या गाण्यांवर, डायलॉग्ज किंवा डान्स स्टेप्सवर लोक मोठ्या प्रमाणात रील्स बनवताना दिसतात. या चर्चेत असलेल्या गोष्टींवर अनेक सेलिब्रिटीदेखील रील्स बनवतात. काही महिन्यांपासून सोशल मीडियावर ‘एक नंबर तुझी कंबर’ हे गाणं खूप चर्चेत आहे. आता या गाण्यावर दोन लहान मुलं जबरदस्त डान्स करताना दिसत आहेत.
हल्लीच्या अनेक लहान मुलांमध्येही सोशल मीडियाप्रति खूप आकर्षण आहे. नवनवीन गाणी, चित्रपट आणि त्यातील डायलॉग्ज मुलांना तोंडपाठ असतात. हल्लीची ही मुलं सोशल मीडियावरील बदलत्या ट्रेंडनुसार वागताना, बोलताना दिसतात. मोठ्यांप्रमाणेच लहान मुलंदेखील सोशल मीडियाच्या माध्यमातून आपली कला सादर करताना दिसतात. आतापर्यंत आपण अनेक व्हायरल व्हिडीओ पाहिले आहेत. दरम्यान, आता अशाच गोड मुलींचा एक व्हिडीओ व्हायरल होतोय, जो खूप चर्चेत आला आहे.
या व्हायरल व्हिडीओमध्ये तुम्ही पाहू शकता की, दोन चिमुकल्या त्यांच्या घरामध्ये ‘एक नंबर तुझी कंबर’ या गाण्यावर डान्स करीत आहेत. यावेळी त्यांच्या डान्स स्टेप्स आणि चेहऱ्यावरील एक्स्प्रेशन्स पाहून नेटकरीही त्यांचं कौतुक करीत आहेत. हा व्हिडीओ सध्या सोशल मीडियावर खूप व्हायरल होत आहे.
पाहा व्हिडीओ:
हा व्हिडीओ इन्स्टाग्रामवरील @advik.arnav_twinbros या अकाउंटवरून शेअर करण्यात आला आहे. त्यावर आतापर्यंत अनेक व्ह्युज आणि लाइक्स मिळाल्या आहेत. अनेक युजर्स कमेंट्सही करीत आहेत. एकानं लिहिलंय, “व्वा! सुंदर डान्स.” आणखी एकानं लिहिलंय, “मुलं खूप हुशार आहेत.”
