ही आजकालची मुलं… ‘इश्क रिस्क’ गाण्यावर चिमुकल्यांचा नादखुळा डान्स; VIDEO पाहून नेटकरीही करतायत कौतुक

हल्लीची लहान मुलं नृत्यकलेत विलक्षण प्रगती करताना दिसत आहेत. अगदी कमी वयातच ते विविध गाण्यांवर अचूक स्टेप्स, उत्तम हावभाव आणि आत्मविश्वासपूर्ण सादरीकरण करून सर्वांचे लक्ष वेधून घेतात. सोशल मीडियामुळे त्यांच्या कलेला मोठे व्यासपीठ मिळाले असून, अनेक चिमुकले आपल्या नृत्यकौशल्याने लाखो प्रेक्षकांची मने जिंकत आहेत. मेहनत, सराव आणि आत्मविश्वासाच्या जोरावर ही लहान मुलं आपल्या प्रतिभेची वेगळी ओळख निर्माण करत आहेत.

सध्या सोशल मीडियावर एका चिमुकल्या मुलाचा आणि मुलीचा डान्स व्हिडीओ नेटकऱ्यांचे लक्ष वेधून घेत आहे. मुंबईतील प्रसिद्ध गेटवे ऑफ इंडियाच्या परिसरात हे दोघे लोकप्रिय ‘इश्क रिस्क’ गाण्यावर उत्साहाने नृत्य सादर करताना दिसत आहेत. त्यांच्या निरागस हावभाव, अचूक स्टेप्स आणि आत्मविश्वासपूर्ण सादरीकरणामुळे हा व्हिडीओ पाहणाऱ्यांची मने जिंकत आहे. ऐतिहासिक वास्तूच्या पार्श्वभूमीवर सादर केलेला हा सुंदर डान्स सोशल मीडियावर मोठ्या प्रमाणात शेअर केला जात असून नेटकऱ्यांकडून त्याचे भरभरून कौतुक होत आहे.

पाहा व्हिडीओ:

हा व्हिडीओ इन्स्टाग्रामवरील @sayani_ghosal_27 या अकाउंटवरून शेअर करण्यात आलाय. या व्हिडीओला आतापर्यंत लाखो व्ह्युज अन् हजारो लाइक्स मिळाल्या आहेत. तसेच अनेक युजर्स या व्हिडीओवर कमेंट्सही करताना दिसत आहेत. एका युजरने लिहिलेय, “क्या बात है” एका युजरने लिहिलेय, “एक नंबर डान्स केला दोघांनी” आणखी एका युजरने लिहिलेय, “खूपच भारी नाचलात”