काय तो डान्स, काय त्या अदा…. “छुबी डुबी” गाण्यावर चिमुकलीचा भन्नाट डान्स; VIDEO पाहून नेटकरी करतायत कौतुक

हल्लीची लहान मुलं विविध कला आत्मविश्वासाने सादर करताना दिसतात. गायन, नृत्य, अभिनय, चित्रकला आणि वादन अशा अनेक क्षेत्रांमध्ये ते लहान वयातच आपली छाप पाडत आहेत. सोशल मीडियामुळे त्यांच्या कलेला मोठे व्यासपीठ मिळाले असून, अनेक चिमुकले आपल्या कौशल्याच्या जोरावर लाखो प्रेक्षकांची मने जिंकत आहेत. त्यांच्या मेहनतीला आणि पालकांच्या प्रोत्साहनाला मिळणारा प्रतिसाद पाहता, नव्या पिढीतील हे कलाकार भविष्यात मोठे यश मिळवतील, अशी अपेक्षा व्यक्त केली जात आहे.

सध्या सोशल मीडियावर “छुबी डुबी” गाण्यावर केलेले डान्स व्हिडीओ मोठ्या प्रमाणात व्हायरल होत आहेत. या गाण्याच्या आकर्षक संगीतामुळे आणि उत्साही ठेक्यामुळे अनेक तरुण-तरुणी, लहान मुले तसेच कंटेंट क्रिएटर्स त्यावर भन्नाट डान्स रील्स तयार करत आहेत. काही व्हिडीओंमधील भन्नाट स्टेप्स आणि उत्स्फूर्त सादरीकरणामुळे नेटिझन्सही भरभरून प्रतिक्रिया देत आहेत. त्यामुळे हे गाणे सध्या सोशल मीडियावरील ट्रेंडिंग डान्स रील्सपैकी एक ठरले आहे.

सध्या सोशल मीडियावर शालेय गणवेशातील एका चिमुकलीचा “छुबी डुबी” गाण्यावर केलेला डान्स व्हिडीओ अनेकांचे लक्ष वेधून घेत आहे. गाण्याच्या तालावर तिने सादर केलेल्या उत्स्फूर्त स्टेप्स आणि तिच्या निरागस हावभावांमुळे हा व्हिडीओ पाहणाऱ्यांच्या पसंतीस उतरला आहे. तिचा आत्मविश्वास आणि आनंदी सादरीकरण पाहून अनेकजण तिच्या नृत्याचे कौतुक करत आहेत. सोशल मीडियावर अशा चिमुकल्या कलाकारांचे व्हिडीओ नेहमीच प्रेक्षकांची मने जिंकताना दिसतात.

पाहा व्हिडीओ:

View this post on Instagram

A post shared by Vedanti Bhosale. (@vedanti_the_dramebaaz)

हा व्हिडीओ इन्स्टाग्रामवरील @vedanti_the_dramebaaz या अकाउंटवरून शेअर करण्यात आलाय. या व्हिडीओला आतापर्यंत अनेक व्ह्युज अन् हजारो लाइक्स मिळाल्या आहेत. तसेच अनेक युजर्स या व्हिडीओवर कमेंट्सही करताना दिसत आहेत. एका युजरने लिहिलेय, “खूपच भारी डान्स केलास” एका युजरने लिहिलेय, “एक नंबर डान्स चिमुकलीने” आणखी एका युजरने लिहिलेय, “डान्स क्वीन”