Little boy Viral Video: सोशल मीडियावर लहान मुलांचे अनेक व्हिडीओ सतत व्हायरल होत असतात. हल्लीची ही मुलं सोशल मीडियावरील बदलत्या ट्रेंडनुसार वागताना, बोलताना दिसतात. सोशल मीडियाप्रती मुलांमध्ये खूप उत्सुकता आणि आकर्षण आहे. व्हायरल होणाऱ्या काही व्हिडीओंमध्ये लहान मुलं नवनवीन रील्स बनवताना दिसतात, तर काही व्हिडीओ त्यांच्या नकळत काढण्यात आलेले असतात. यातील बरेच व्हिडीओ खूप चर्चेत येतात. नुकत्याच पार पडलेल्या गणेशोत्सवादरम्यान लहान मुलांचे बाप्पाबरोबरचे अनेक व्हिडीओ व्हायरल झाले होते. यातील काही व्हिडीओंमध्ये लहान मुलं बाप्पाचे विसर्जन झाल्याने रडताना दिसत होती. आताही एका लहान मुलाचा एक व्हिडीओ व्हायरल होतोय, ज्यात तो बाप्पासमोर असं काहीतरी म्हणत आहे, जे पाहून तुम्हालाही हसू येईल.
लहान मुलं खूप निरागस असतात, त्यामुळे लहानपणापासून घरामध्ये, शाळेमध्ये शिकवल्या जाणाऱ्या प्रत्येक गोष्टीचा त्यांच्या मनावर खोल परिणाम होतो. बाप्पाचे घरी आगमन झाल्यानंतर अनेक घरांमध्ये मांसाहार केला जात नाही. या व्हिडीओतील चिमुकल्याने चिकन खाल्ले, ज्यामुळे घरातील मंडळी त्याला चिडवू लागली. त्यामुळे तो बाप्पासमोर जाऊन असं काहीतरी बोलतो, जे पाहून नेटकरी हसताना दिसत आहेत.
या व्हायरल व्हिडीओमध्ये तुम्ही पाहू शकता की, एका चिमुकल्याने चिकन खाल्लं म्हणून घरातील मंडळी त्याला, तुला आज बाप्पाची आरती देणार नाही, असं म्हणून मुद्दाम चिडवतात. यावर तो चिमुकला मोठमोठ्याने रडू लागतो आणि जाऊन बाप्पासमोर, “बाप्पा सॉरी… चुकून चिकन खाल्लं” असं म्हणून बाप्पाची माफी मागतो. चिमुकल्याचा हा व्हिडीओ सोशल मीडियावर खूप व्हायरल होत आहे.
पाहा व्हिडीओ:
हा व्हिडीओ इन्स्टाग्रामवरील @marathihasyaa या अकाउंटवर शेअर करण्यात आला असून यावर आतापर्यंत जवळपास एक मिलियनहून जास्त व्ह्यूज आणि पन्नास हजारांहून अधिक लाइक्स मिळाल्या आहेत. शिवाय अनेक युजर्स या व्हिडीओवर कमेंट्स करताना दिसत आहेत. एका युजरने कमेंटमध्ये लिहिलंय की, “किती निरागस आहे हा”, तर आणखी एका युजरने लिहिलंय की, “अरेरे बिचारा”, तर आणखी एकाने लिहिलंय की, “कशाला त्या लहानग्याच्या भावनांशी खेळता.”
