Viral Video: आफ्रिकन सिंहाच्या अगदी जवळ पोहोचली व्यक्ती अन् …

ही घटना हैदराबादच्या प्राणीसंग्रहालयात घडली. घटनेचा व्हिडीओ चांगलाच व्हायरल झाला आहे. दिल्लीच्या प्राणिसंग्रहालयात अशी घटना दोनदा घडली आहे.

Man tries to enter lions enclosure
सिंहाच्या पिंजऱ्यात घुसण्याचा प्रयत्न करत होता तरूण (फोटो: @rahulvpisharody / Twitter )

काही वर्षे जुनी दिल्ली प्राणिसंग्रहालयाची दुर्घटना आज तेलंगणामध्ये घडू शकली असती, परंतु हैदराबादच्या प्राणीसंग्रहालयाच्या कर्मचाऱ्यांनी शेवटच्या क्षणी पोहोचून आफ्रिकन सिंहाच्या अगदी जवळ आलेल्या व्यक्तीला वाचवले.

नक्की काय झालं?

खरं तर, मंगळवारी हैदराबादच्या नेहरू प्राणिसंग्रहालयात ३१ वर्षीय व्यक्ती आफ्रिकन सिंहाच्या अगदी जवळून चालत गेला, जरी त्याला प्राणीशास्त्र उद्यानाच्या कर्मचाऱ्यांनी वेळीच वाचवले आणि पोलिसांच्या ताब्यात दिले. याप्रकरणी चौकशी सुरू आहे.

दिल्लीच्या प्राणिसंग्रहालयात अशी घटना दोनदा घडली आहे. २०१४ मध्ये एकदा एका २० वर्षीय तरुणाला वाघाने निर्घृणपणे ठार मारले होते, तर दुसऱ्यांदा २०१९ मध्ये एका तरुणाला सिंहाच्या तावडीतून वाचवण्यात आले. २०१९ मध्ये प्राणिसंग्रहालयाला भेट देण्यासाठी आलेल्या एका तरुणाने अचानक सिंहाच्या जवळ ८ फूट खाली उडी मारली. दरम्यान, तेथे उपस्थित लोकांनी आरडाओरडा केला तेव्हा सुरक्षा रक्षकांची नजर त्याच्यावर पडली, त्यानंतर तो बचावला.

( हे ही वाचा: …अन् लग्नाचा लेहेंगा घालूनचं वधू पोहचली परीक्षा केंद्रावर; व्हिडीओ व्हायरल )

( हे ही वाचा: Viral Video: ट्रेनमध्ये मिळाली नाही जागा म्हणून जुगाड करत चक्क बनवली स्वतःची सीट! )

२०१४ मध्ये घडलेली धक्कादायक घटना

२०१४ साली दिल्लीच्या प्राणीसंग्रहालयात अशीच एक हृदयद्रावक घटना घडली होती जेव्हा एका २० वर्षांच्या तरुणाने पांढऱ्या वाघाच्या १८ फूट खोल खोलीत उडी मारली होती. सुमारे १५ मिनिटे मकसूद हा तरुण जिवंत राहिला. सुमारे १० मिनिटे तो हात जोडून वाघासमोर बसून वाचण्यासाठी विनंती करत होता. वाघाने त्याला चाटले, हलकेच चार-पाच वेळा चाटले आणि परतला. दरम्यान, चौकाबाहेर जमलेल्या जमावाने आरडाओरडा सुरू केला. वाघावर कुणीतरी दगडफेक केली. चिडलेला वाघ परत आला आणि त्याने तरुणाच्या गळ्यावर दाताने चावा घेतला. त्याने मकसूदच्या मानेवर दोनदा वार करून त्याची हत्या केली.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व ट्रेंडिंग बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Viral video the person who came very close to the african lion in hyderabad ttg

Next Story
VIDEO : ‘धीरे धीरे’ गाणे तेही संस्कृतमध्ये ऐकलेत का तुम्ही?
ताज्या बातम्या